• London

  • Beirut

  • Moscow

  • Los Angeles

  • Paris

  • Sydney

  • Toronto

Կառավարութեան Կազմութիւնը Դիւրին Պիտի Չըլլայ. Նասրալլա

14.12.2019   08:36

Նոր Կառավարութեան մը կազմութիւնը դիւրին պիտի չըլլայ ըսաւ Հըզպալլայի առաջնորդ Հասան Նասրալլա:

«Կը յուսամ, որ Երկուշաբթի օր երեսփոխանական խորհրդակցութիւնները տեղի կ՛ունենան… սակայն նախարարաց խորհուրդի կազմութիւնը դիւրին պիտի չըլլայ» ըսաւ ան երէկ յետմիջօրէին հեռասփռուած խօսքին մէջ:

Նասրալլա աւելցուց, որ իր գլխաւորած կողմը կը պնդէ Ազգային Ազատ Հոսանքին կառավարութեան մէջ մասնակցութեան վրայ:

Ան նաեւ աւելցուց, որ Հըզպալլան եւ Ամալը կը մերժեն միակողմանի նախարարաց խորհուրդի մը կազմութիւնը:

Հետաքրքրական զարգացումով մը,  Ուաշինկթըն պատժամիջոցներ սահմանեց լիբանանցի երեք անձերու նկատմամբ, որոնք ամբաստանուած են Հըզպալլայի համար դրամ լուալու յանցանքով: Հրապարակուած անուններն են Նազէմ Ահմատ, Սալէհ Ասսի եւ Թոնի Սաապ:

Միւս կողմէ նշենք, որ երէկ առաւօտեան կանուխ ժամերուն ցուցարարները փակեցին Ժալ էլ Տիպի մայրուղին երկու ուղղութեամբ: Մայրուղին բանալու հետամուտ Լիբանանեան բանակի զինուորներուն հետ փախումներ արձանագրուեցան, որուն որպէս արդիւնք ցուցարարներու շարքերէն վիրաւորուեցան քանի մը երիտասարդ:

Share Button

Leave a Reply

Your email address will not be published. Required fields are marked *

Լրատուութեան գործընկեր