• London

  • Beirut

  • Moscow

  • Los Angeles

  • Paris

  • Sydney

  • Toronto

ԱՄՆ Ծերակոյտը Հաստատեց Հայոց Ցեղասպանութիւնը Դատապարտող Բանաձեւը

13.12.2019   09:26

Միացեալ Նահանգներու Ծերակոյտը քիչ առաջ միաձայն քուէարկութեամբ հաստատեց Հայոց Ցեղասպանութիւնը դատապարտող` ծերակուտական Ռոպերթ Մենենտեսի ներկայացուցած թիւ 150 բանաձեւը: Այս մասին կը հաղորդէ Yerkirmedia.am-ը։

Ծերակուտականներէն ոեւէ մէկը վեթօ չդրաւ այս անգամ փաստաթուղթի քուէարկութեան վրայ: Վերջին ամիսներուն 3 անգամ հանրապետական տարբեր ծերակուտականներ` Քեւին Քրամըրը, Տէյվիտ Փերտիւն, Լինսի Կրահամը, արգելափակած ու չէին ձգած, որ բանաձեւը ընդգրկուի Ծերակոյտի օրակարգին մէջ:

Հետաքրքրական է, որ 3 ծերակուտականներն ալ սկզբունքօրէն դէմ չեն արտայայտուած բանաձեւի ընդունման, սակայն նշած են, որ այժմ ատոր ժամանակը չէ: 

Ի դէպ, մինչ քուէարկութիւնը, գրեթէ մէկ ժամ առաջ Քիմ Քարտաշեանն ալ իր Instagram-ի էջին, շուրջ 135 միլիոն հետեւորդներուն կոչ ըրած  է զանգահարելու ծերակուտականներու գրասենեակ եւ պահանջելու կողմ ըլլալ ներկայացուած բանաձեւին:

Յիշեցնենք, որ այս բանաձեւէն անկախ, գրեթէ նոյն բովանդակութեամբ փաստաթուղթ ընդունած էր նաեւ ԱՄՆ Ներկայացուցիչներու Պալատը:

Share Button

Leave a Reply

Your email address will not be published. Required fields are marked *

Լրատուութեան գործընկեր