• London

  • Beirut

  • Moscow

  • Los Angeles

  • Paris

  • Sydney

  • Toronto

12. 12. 2019

Լիբանանեան Բանակը Կը Միջամտէ Ցրուելու Նախագահին Զօրակիցներն ու Անոր Դէմ Բողոքողները

02.12.2019   08:52

Լիբանանեան բանակը Պաապտայի նախագահական պալատին շրջակայքը երէկ միջամտեց ցրուելու նախագահին զօրակցելու համար հոն հաւաքուած ժողովուրդն  ու անոր դէմ ցոյց կատարող բողոքարարները:

Արդարեւ երէկ առաւօտեան ժամերէն Պաապտայի ապարանքին շրջակայքը հաւաքուեցան նախագահին զօրակցող խումբ մը քաղաքացիներ որոնք կը մերժէին նախագահին դէմ արձակուող խօսքերը: Միւս կողմէ հոն ժամանեցին ցուցարարներ, որոնք նախագահէն կը պահանջէին շուտափոյթ ձեւով կատարել պարտադիր խորհրդակցութիւնները, նշանակելու համար վարչապետ մը, որ իր կարգին պէտք է կազմէ նոր կառավարութիւն մը:

Այս երկու խումբերուն միջեւ տեղի ունեցան բախումներ, որուն որպէս արդիւնք նուազագոյնը մէկ վիրաւոր:

Սոյն բախումներուն յաւելեալ զարգացումը կանխարգիլելու միտումով Լիբանանեան բանակը անմիջապէս միջամտեց ցրելով հոն հաւաքուած քաղաքացիները:

Մինչ այդ Պէյրութի հրապարակները դարձեալ ժամադրավայրը եղան ցուցարարներու, որոնք իրենց հետ ունէին ձիթենիներու ճիւղեր, որպէս խաղաղութեան խորհրդանիշ:

Մարոնիներու պատրիարք Պշարա Ռաիի առաւօտեան իր պատարագին մէջ կոչ ուղղեց քաղաքական գործիչներուն լիբանանցի ժողովուրդն ու Լիբանանը վեր բռնել իրենց շահերէն եւ շուտով կազմեն փրկութեան կառավարութիւն մը:

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր