• London

  • Beirut

  • Moscow

  • Los Angeles

  • Paris

  • Sydney

  • Toronto

Յեղափոխականները Դարձեալ Փողոց Իջան

25.11.2019   10:01

Մինչ նախագահի մօտիկ աղբիւրներ կը հաղորդէին, որ նախագահը կը պատրաստուի այս շաբթուայ ընթացքին կատարել երեսփոխանական խորհրդակցութիւններու իր հանդիպումները, հարիւրաւոր ցուցարարներ դարձեալ փողոց իջան երէկ գիշեր փակելով Պէյրութի տասնեակ կարեւոր ճանապարհներ։

Ցուցարարները յայտարարեցին, որ այսօր ՝ երկուշաբթի բողոքի եւ համընդհանուր գործադուլ օր պիտի ըլլայ։ Նշենք, որ գործադուլին մասին աւելի կանուխ յայտարարած էին Սայտա եւ Թրիփոլի քաղաքներու ցուցարարները նշելով, որ իրենք այս քայլին կ՚երթան, որովհետեւ երկրին մէջ վերջին շուրջ քառասուն օրեայ բողոքի ալիքէն ետք ոչինչ փոխուած է իշխանութեան վերաբերմունքին մէջ։

«Արեւելք» կը վկայակոչէ  «Ալ Արապիա» կայանը որ յղում կատարելով Լիբանանի պետական լրատուական գործակալութեան յայտարարած է, որ այսօր երկուշաբթի Լիբանանի ամբողջ տարածքով գործող բոլոր վարժարանները փակ պիտի պահեն իրենց դռները։ Կը սպասուի, որ այսօր առաւօտ կանուխ մեծ թիւով ցուցարարներ հաւաքուին մասնաւորապէս Պէյրութ տանող ճանապարհներուն վրայ փորձելով փակել այդ ճանապարհները։

Նշենք, որ Լիբանանի անկախութեան տօնին առիթով երկիրը ապրեցաւ աննախադէպ ցոյցերու տեսարաններ երբ ժողովուրդը ինքը կազմակերպեց անկախութեան յատուկ աւանդական տողանցքները: Յատկանշական քայլով մը, ժողովուրդը մէկ օրուայ ընթացքին վերանորոգեց իր խորհրդանիշը նկատուող բռունցքը, նոր մը եւ աւելի ամուր սարքուածը զետեղելով նախկինին տեղ, որ հրոյ ճարակ դարձած էր անծանօթներու կողմէ:

 

Share Button

Leave a Reply

Your email address will not be published. Required fields are marked *

Լրատուութեան գործընկեր