• London

  • Beirut

  • Moscow

  • Los Angeles

  • Paris

  • Sydney

  • Toronto

Լիբանանեան Բանակը Գլխաւոր Ճամբաները Բացաւ. Յեղափոխականները Իրենց Բողոքի Ձեւին Մէջ Փոփոխութիւն Մտցուցին. Պաշարել Փտածութեան «Խորհրդանիշերը»

06.11.2019   09:30

Լիբանանեան բանակի միաւորներ երէկ առաւօտ ուժ բանեցնելով բացաւ փակուած մայրուղիները այնտեղէն հեռացնելով ճամբաները իրենց մարմնով եւ ինքնաշարժներով փակ պահող քաղաքացիները: Հակառակ, որ լուրջ ընդդիմութիւն մը չեղաւ բողոքարարներուն կողմէ, սակայն արձանագրուեցան ձերբակալումներ: Բացուեցան Ռինկի, Ժալ էլ Տիպի, եւ Զուքի մայրուղիները որտեղէն վերցուեցան ամէն տեսակի ցուցարարական երեւոյթ ինչպէս վրաններ եւ բեմեր:

Յեղափոխականները աւելի ուշ յայտարարութիւն տարածեցին, որ այսօրուընէ  սկսեալ իրենց շարժումին միջոցը փոխելով պիտի սկսին պաշարել, ըստ իրենց երկրին փտածութեան «խորհրդանիշերը» հանդիսացող վայրեր եւ կեդրոններ: Այս ծիրէն ներս երէկ ցուցարարներ հասն Զէյթունա պէյ երգելով «զէյթունան մերն է» նկատի ունենալով, որ ան կառուցուած է հանրային սեփականութիւն եղող ծովափին: 

Տեղւոյն ոստիկանութիւնը խափանեց անոնց աւելի եւս յառաջխաղացքը, սակայն ցուցարարները իրենց իրաւունքը պահանջեցին գտնուելու հանրային սեփականութիւն եղող վայրեր իրենց ցոյցը կատարելու:

Այսօր կը նախատեսուի, որ ցուցարարները պաշարէն Պէյրութի Արդարադատութեան նախարարութիւնն ու դատարանը:

 

Share Button

Leave a Reply

Your email address will not be published. Required fields are marked *

Լրատուութեան գործընկեր