• London

  • Beirut

  • Moscow

  • Los Angeles

  • Paris

  • Sydney

  • Toronto

Կիրակի Օրուայ Ցոյցերը Անմեղ Չէին. Աուն

03.10.2019   01:01

«ԶԱՐԹՕՆՔ», ՊԷՅՐՈՒԹ –Լիբանանի Հանրապետութեան նախագահ Միշէլ Աուն, երէկ անդրադառնալով երկրին մէջ տիրող իրավիճակին, յայտարարեց, որ Կիրակի օրուայ ցոյցերը անմեղ չէին:

Աուն հաստատած է, որ Լիբանանի տնտեսութիւնը պիտի չփլուզուի: Խօսելով «Ալ Ժամհուրիա» կայքին ան նկատել տուաւ, որ անցնող օրերուն երկրին մէջ տեղի ունեցած զարգացումները ցոյց կու տան, որ մութ ուժեր կը փորձեն տապալել նախագահական նստաշրջանը եւ այդ առումով ուժեղ պայքարի նախաձեռնած են ոչ միայն իր, այլ նաեւ երկրին վարչապետին դէմ:

Լիբանանի նախագահը իր խօսքին աւարտին ըսած է նաեւ, որ իր համար ցոյց կազմակերպելը օրէնսդրութեամբ հաստատուած իրաւունք է, սակայն անցնող կիրակի օրուայ ցոյցերն ու բողոքի շարժումները երբեք անմեղ չէին:

Յիշեցնենք, որ անցնող մէկ ամսուան ընթացքին Լիբանան յայտնուած է տնտեսական տագնապի բաւական սուր երեւոյթի մը դէմ յանդիման:

Share Button

Leave a Reply

Your email address will not be published. Required fields are marked *

Լրատուութեան գործընկեր