• London

  • Beirut

  • Moscow

  • Los Angeles

  • Paris

  • Sydney

  • Toronto

Հարիրի Ուաշինկթընի Մէջ Հիւրընկալեց Փոմփէոն

19.08.2019   01:33

«ԶԱՐԹՕՆՔ», ՊԷՅՐՈՒԹ – Լիբանանի Վարչապետ Սաատ Հարիրի Ուաշինկթընի իր ագարակին մէջ հիւրընկալեց ԱՄՆ պետական քարտուղար Մայք Փոմփէոն: Այս հանդիպումը երկրորդն է վերոյիշեալ երկու անձերուն միջեւ Հարիրիի ԱՄՆ գտնուած ժամանակամիջոցին ընթացքին:

Փոմփէոյի կ՛ընկերակցէր Փոմփէոյի տիկինը: Նշենք, որ Հարիրիի ընտանիքն ալ կը գտնուի նոյն վայրին մէջ:

Նախորդ հանդիպման ընթացքին պետական քարտուղարը նշած էր, որ Հըզպալլայի եւ անոր դաշնակիցներուն դէմ նոր պատժամիջոցներ կրնան կիրակուիլ:

«Հըզպալլայի դէմ միշտ ալ պատժամիջոցներ եղած են, սակայն իմ պարտականութիւնն է, որպէս երկրին վարչապետը Լիբանանը զերծ պահել ամէն վտանգէ, որ նման պատժամիջոցներու հետեւանքները կրնան ըլլալ Լիբանանի վրայ« ըսաւ Հարիրի:

Հանդիպումներուն ընթացքին Փոմփէօ յայտնած է, որ իր երկիրը պատրաստ է միջնորդի դեր խաղալ Լիբանանի եւ Իսրայէլի միջեւ ինչ կը վերաբերի ծովային սահմանի շուրջ յառաջ տարուող խօսակցութիւններուն:

Share Button

Leave a Reply

Your email address will not be published. Required fields are marked *

Լրատուութեան գործընկեր