• London

  • Beirut

  • Moscow

  • Los Angeles

  • Paris

  • Sydney

  • Toronto

Պիւտճէի Քուէարկութեան Ընթացքին՝ Խորհրդարանէն Դուրս Ցոյցեր

19.07.2019   09:31

«ԶԱՐԹՕՆՔ», ՊԷՅՐՈՒԹ –Հանգստեան կոչուած զինուորական պաշտօնեաներ Հինգշաբթի օր վիճաբանութիւն մը ունեցան  անվտանգութեան աշխատակիցներու հետ, երբ անոնք փորձեցին շարժիլ դէպի խորհրդարան, ուր օրէնսդիրները հրաւիրուած էին 2019-ի պետական պիւտճէի նախագիծի քուէարկութիւնը սկսելու:

Երեսփոխանները քննարկումներուն երրորդ օրը աւարտեցին երեկոյեան ժամը 8-ի սահմաններուն՝ հաւանութիւն տալով եւս վեց ամիս հաշիւներու փակման յետաձգման:

Ցոյցի ելած կարգ մը վեթերաններ՝ անվտանգութեան մետաղեայ պարիսպները շրջանցելով փորձեցին անցնիլ. Անոնցմէ ոմանք, սակայն, տարուեցան շտապօգնութեան մեքենաներով:

Նշենք, որ վեթերանները բողոքի ցոյցեր սկսած էին Երեքշաբթի առաւօտեան, երբ խորհրդարանը առաջին անգամ կը հանդիպէր քննարկելու խնայողութիւններու պիւտճէն, որ իր ներկայ ձեւով վեթերաններուն կը ներկայացնէ նոր կենսաթոշակներու 1.5 տոկոս հարկ:

Խորհրդարանի նախագահ Նեպիհ Պըրրի, որ կը ղեկավարէր երեկոյեան նիստը՝ կոչ ըրաւ բոլոր երեսփոխաններուն մասնակցելու եւ քուէարկելու պիւտճէի նախագիծի օգտին:

 

Share Button

Leave a Reply

Your email address will not be published. Required fields are marked *

Լրատուութեան գործընկեր