• London

  • Beirut

  • Moscow

  • Los Angeles

  • Paris

  • Sydney

  • Toronto

Պասիլ. Ազգային Ազատ Հոսանքը Պիտի Քուէարկէ Պիւտճէի Նախագիծի Օգտին

16.07.2019   09:13

«Զարթօնք», Պէյրութ – Թէեւ 2019-ի պիւտճէի նախագիծը ամբողջութեամբ չի գոհացներ Ազգային Ազատ հոսանքը, այնուամենայնիւ, հոսանքի երեսփոխանները պիտի չխոչընդոտեն Խորհրդարանի կողմէ անոր քուէարկութիւնը։ Այս մասին Երկուշաբթի յայտնեց հոսանքի առաջնորդ՝ Արտաքին գործոց նախարար Ժըպրան Պասիլ։

Մամուլի ասուլիսի մը ընթացքին ան ըսաւ, որ պիւտճէն պիտի սկսի բարեփոխումներով, այնպէս, ինչպէս խոստացած է կառավարութիւնը։

Նշենք, որ Լիբանանը ճնշման կ՝ենթարկուի անցեալ տարուան «Սետր»-ի միջազգային խորհրդաժողովին կողմէ առաջարկուող հիմնական տնտեսական եւ ելեւմտական բարեփոխումներու իրականացման համար: Պետութիւնը այժմ ունի 86 միլիառ ԱՄՆ տոլարի պետական ​​պարտք, որ համարժէք է համախառն ներքին արդիւնքի (ՀՆԱ) 150%-ին:

Խորհրդաժողովին Լիբանանը խոստացած է զգալիօրէն նուազեցնել պիւտճէն, որ 2018-ին հասած է ՀՆԱ-ի 11.1 տոկոսի։

Պիւտճէի նախագիծը քննարկելու եւ հաստատելու համար՝ ընդհանուր ժողովը կը նախատեսէ հանդիպիլ այսօր, վաղը եւ Հինգշաբթի։

 

Share Button

Leave a Reply

Your email address will not be published. Required fields are marked *

Լրատուութեան գործընկեր