• London

  • Beirut

  • Moscow

  • Los Angeles

  • Paris

  • Sydney

  • Toronto

Քանաան. Աշխատանքի Ընդունման Զննման Արդիւնքները Պէտք է Հրապարակուին 48 Ժամուան Ընթացքին

20.05.2019   01:54

«ԶԱՐԹՕՆՔ», ՊԷՅՐՈՒԹ –  Ելեւմուտքի եւ պետական պիւտճէի խորհրդարանական մնայուն յանձնախումբի նախագահը Կիրակի օր յայտնեց, թէ անօրինական վարձերու վերաբերեալ հետաքննութեան վերջնական թիւերը պիտի յայտարարուին յաջորդ 48 ժամուան ընթացքին։

«Լիբանանի Ձայնը» ռատիոկայանի հետ ունեցած հարցազրոյցի մը ընթացքին՝ երեսփոխան Իպրահիմ Քանաան ըսաւ, որ Կեդրոնական տեսչութեան բիւրոյին եւ Քաղաքացիական ծառայութեան խորհուրդին կողմէ ապօրինի աշխատանքի ընդունման մասին հաշուետւութիւնները ցոյց կու տան «իրական խնդիր»` զբաղուածութեան օրէնքը խախտող քաղաքական գործիչներու հետ:

Շաբաթ օր ան ըսաւ, որ զեկոյցներուն մէջ առկայ է երկու տեսակի խախտում եւ աւելցուց, որ հաշուեքննութեան դերը «աւելի քան կարեւոր» էր հետեւելու համար խախտումներուն, եւ որ այժմ՝ մեղաւորները պատասխանատւութեան ենթարկելը՝ կը մնայ ելեւմտական դատական համակարգին ձեռքը։

Նշենք, որ Ելեւմուտքի եւ պետական պիւտճէի խորհրդարանական մնայուն յանձնախումբը լսումներ կ՝իրականացնէր Փետրուարէն ի վեր։

Կիրակի օր իրականացած հարցազրոյցի մը ընթացքին՝ Մեթընի երեսփոխանը նոյնպէս խօսեցաւ 2019-ի պետական պիւտճէի նախագիծին մասին՝ նշելով,- «Մենք չենք կրնար ըսել, թէ մեր երկրին համար լաւ աշխատանք կը տանինք պիւտճէով մը, որուն հաստատումը ուշացած է Սահմանադրութեամբ նշուած ժամանակէն»։ Անոր կարծիքով՝ ճիշդ ժամանակին չհաստատուած պիւտճէն ոչ թէ պիւտճէ է, այլ՝ իրականութիւն։  

Քանաան շեշտեց, որ նոյնիսկ Կառավարութեան կողմէ հաստատուելէն ետք՝ պիւտճէին փաստաթուղթը ժամանակի կը կարօտի՝ հաստատուելու համար խորհրդարանին կողմէ, քանի որ անիկա 1000 էջէն աւելի է եւ կ՝ընդգրկէ ֆինանսաւորում պետական բոլոր կառոյցներուն համար եւ «մենք պէտք է լսենք բոլոր տեսակէտները»։

Share Button

Leave a Reply

Your email address will not be published. Required fields are marked *

Լրատուութեան գործընկեր