• London

  • Beirut

  • Moscow

  • Los Angeles

  • Paris

  • Sydney

  • Toronto

Իրան «Կը Խոստանայ» Հարուածել ԱՄՆ-Ը «Իր Գլխէն»

15.05.2019   02:04

«ԶԱՐԹՕՆՔ», ՊԷՅՐՈՒԹ – Իրանը ԱՄՆ-ին սպառնացած է «գլխէն հարուած հասցընել», եթէ Ուաշինկթընը յստակ ուժային գործողութիւններ ձեռնարկէ: Այս մասին յայտարարած է Իրանի «Իսլամական յեղափոխութեան պահակախումբ»ի գօրավար Ամիր Ալի Հաճիզատէն:

«Եթէ ամերիկացիները ընեն իրենց քայլը, մենք գլխէն կը հարուածենք անոնց», – ըսած է հրամանատարը: Ան նշած է, որ ամերիկեան ռազմական ներկայութիւնը տարածաշրջանին մէջ լուրջ սպառնալիք կը ներկայացնէր, սակայն հիմա, ըստ Հաճիզատէի, «սպառնալիքը վերածուած է հնարաւորութեան»:

ԱՄՆ նախագահի ազգային անվտանգութեան հարցերով խորհրդական Ճոն Պոլթընը յայտարարած էր, որ Միացեալ Նահանգները Իրանի ափերու մօտ կ’ուղարկէ «Աբրահամ Լինքոլն» հարուածային օդանաւակիր նաւերու եւ ռմբակոծիչներու խումբը:

 

Share Button

Leave a Reply

Your email address will not be published. Required fields are marked *

Լրատուութեան գործընկեր