• London

  • Beirut

  • Moscow

  • Los Angeles

  • Paris

  • Sydney

  • Toronto

Պաշտպանական Գերագոյն Խորհուրդը Քննարկեց Անվտանգութեան Քայլերը

16.04.2019   01:22

«ԶԱՐԹՕՆՔ», ՊԷՅՐՈՒԹ –   Պաշտպանութեան Գերագոյն խորհուրդը, Երկուշաբթի օր, Պաապտայի մէջ գումարեց անվտանգութեան քայլերուն վերաբերող նիստ մը։ Երկու ժամ տեւած խորհրդակցութիւնը կը նախագահէր Նախագահ Միշէլ Աուն։

Պաշտպանութեան Գերագոյն խորհուրդի գլխաւոր քարտուղար Մահմուտ ալ Ասմար յայտարարեց, որ հանդիպման ընթացքին քննարկուած են անվտանգութեան հարցերը, մարդոց մաքսանենգութեան եւ ոչ արտօնագրուած աշխատողներու հարցերը: Ան նշեց, որ խորհուրդը նախարարութիւններէն խնդրեց համապատասխան միջոցներ ձեռնարկել՝ այդ հարցերուն վերաբերեալ, սակայն չի մեկնաբանեց խորհուրդին որոշումները:

«Խորհուրդը որոշումները կայացուց գաղտնի, օրէնքին համաձայն»,- ըսաւ Ասմար՝ հանդիպումէն ետք հեռատեսիլով ունեցած իր ելոյթին ընթացքին:

Հանդիպման կը մասնակցէին վարչապետ Սաատ Հարիրի եւ պաշտպանութեան, արդարադատութեան, ներքին գործոց, ելեւմտական, տնտեսութեան եւ արտաքին գործոց նախարարները: Ներկայ էին նաեւ ռազմական եւ անվտանգութեան մարմիններու ղեկավարներ, ինչպէս, լիբանանեան բանակի հրամանատար, զօրավար Ժոզէֆ Աուն:

Share Button

Leave a Reply

Your email address will not be published. Required fields are marked *

Լրատուութեան գործընկեր