• London

  • Beirut

  • Moscow

  • Los Angeles

  • Paris

  • Sydney

  • Toronto

Թրիփոլի. Մասնակի Ընտրութիւններ

15.04.2019   00:47

«ԶԱՐԹՕՆՔ», ՊԷՅՐՈՒԹ –   Թրիփոլցիները, Կիրակի օր, մասնակցեցան Թրիփոլիի հինգերորդ սիւննի խորհրդարանականի ընտրութեան, որ թափուր մնացած էր անցեալ տարուան մայիսեան ընտրութիւններու արդիւնքներէն ետք երբ շահող թեկնածուին յաղթանակը անվաւեր նկատուեցաւ:։

Պետական ​​ազգային լրատուական գործակալութեան տեղեկութիւններով՝ ընտրողներուն մասնակցութեան թիւը շատ փոքր էր: Ընտրատեղամասերը բացուած էին առաւօտեան ժամը 7:00-ին եւ փակուեցան երեկոյեան ժամը 7:00-ին:

Ներքին գործոց նախարար Ռայա Էլ-Հասան՝ լրատուամիջոցներուն առաւօտեան յայտարարծ էր «Ընդհանդրապէս մտահոգ չեմ։ Տակաւին օրուան սկիզբն է: … Կը տեսնենք, թէ ինչպէս կ՝ընթանայ: Ընդհանրապէս, ընտրողներուն թիւը կ՝աւելնայ օրուան աւարտին»:

Ընտրական յանձնաժողովի նախագահ, դատաւոր Նատիմ Ապտէլ Մալէտ, Հասանի հետ համատեղ մամլոյ ասուլիսի մը ընթացքին յայտարարած է, թէ բոլոր կողմերը խախտած են ընտրական լրատուամիջոցներուն արգելքը, որ ուժի մէջ կը մտնէր Ուրբաթ կէս գիշերը:

Հիմնական թեկնածուներ Տիմա Ժամալի եւ Միսպահ Ահտապ օրուայ ընթացքին յայտարարեցին, որ քուէարկութիւնը լաւ ընթացքի մէջ է:

Դիտորդները եւ հարցախոյզները ինչպէս նաեւ ընտրութեան նախնական արդիւնքները յայտարարած են, որ ընտրութիւնները որոշուած են ի նպաստ Ժամալի, «Մուսթաքպալ շարժում»-ի թեկնածուին, որ գրաւած էր աթոռը, մինչեւ Փետրուար, երբ Սահմանադրական խորհուրդի կողմէ ընտրութիւնը չեղարկուեցաւ:

Ժամալիին կ՝աջակցին Մուսթաքպալի առաջնորդ Վարչապետ Սաատ Հարիրի, նախկին վարչապետ Նաժիպ Միքաթի եւ նախկին նախարարներ Աշրաֆ Ռիֆի եւ Մոհամմատ Սաֆատի: Վերջին երեքը Թրիփոլիէն են, եւ կրնային մերժել Ժամալիի առաջադրանքը, եթէ առաջադրէին իրենց թեկնածուները:

Ժամալիի դէմ պայքարող վեց թեկնածուները՝ Նիզար Զաքքա, նախկին երեսփոխան, Միսպահ Ահտապ, Եահիա Մաուլուտ, Թալալ Քապպարա, Օմար ալ Սայէտ եւ Համէտ Ամչա՝ դժուար պայքարի մէջ էին, ապահովելու համար 241 հազար ընտրողներու բաւարար ձայներ։

Շատ ընտրողներ՝ տեղական լրատուամիջոցներուն պատմած են, որ թեկնացուներէն ոեւէ մէկը իրենց կողմէ ներկայացուած չեն համարեր, ուստի պիտի չքուէարկեն: Իսկ ուրիշներ ըսած են, թէ Ժամալիի դէմ պիտի քուէարկեն, որովհետեւ ինը ամսուան ընթացքին ոչինչ ըրած է իրենց համար։ 

Share Button

Leave a Reply

Your email address will not be published. Required fields are marked *

Լրատուութեան գործընկեր