• London

  • Beirut

  • Moscow

  • Los Angeles

  • Paris

  • Sydney

  • Toronto

Նախարարները Կը Խոստանան Ապահովութեան Մակարդակը Բարձրացնել Պէյրութի Օդակայանին Մէջ

16.02.2019   00:28

«Զարթօնք», Պէյրութ – Լիբանանի հասարակական աշխատանքներու եւ զբօսաշրջութեան, ինչպէս նաեւ ներքին գործոց նախարարները խոստացան Պէյրութի օդակայանը ապահովութեան մակարդակի գծով համապատասխանեցնել համաշխարհային չափանիշներուն, ինչպէս յանձնարարած է Միջազգային քաղաքացիական օդագնացութեան կազմակերպութիւնը:
ՄԱԿ-ի վերոյիշեալ գործակալութիւնը Փետրուար 6–15 հաշուեքննութիւն մը իրականացուց: Եզրակացութեան յանգելէ ետք, գործակալութեան անդամները հանդիպում մը ունեցան հասարակական աշխատանքներու եւ զբօսաշրջութեան նախարար Եուսեֆ Ֆենիանոսի, արդիւնաբերութեան նախարար Ռայա Ալ Հասանի եւ օդակայանի շարք մը պաշտօնատարներուն հետ:
«Վերջին նիստը տեղի ունեցաւ այսօր: Այդ միջոցին տրուեցաւ նախնական բացատրութիւն մը կամ, այսպէս կոչուած, նախնական զեկոյց մը յանձնաժողովի կատարած գործունէութեան մասին»,- մամլոյ ասուլիսի ժամանակ լրագրողներուն ըսաւ Ֆենիանոս:
«Առաջին հաշուեքննութիւնը տեղի ունեցաւ 2009-էն ի վեր: Լիբանանի կառավարութիւնը պահանջած էր յետաձգել նախկին հաշուեքննութիւնները»,- աւելցուց ան:  

Share Button

Leave a Reply

Your email address will not be published. Required fields are marked *

Լրատուութեան գործընկեր