• London

  • Beirut

  • Moscow

  • Los Angeles

  • Paris

  • Sydney

  • Toronto

Ճափոնը Չինաստանը Մեղադրած Է Իր Ջրատարածքը Ներխուժելուն Համար

12.02.2019   01:44

«ԶԱՐԹՕՆՔ», ՊԷՅՐՈՒԹ – Ճափոնի վարչապետի դիւանատունը ճգնաժամային հակազդումի մարմին ստեղծուած է այն պնդումին կապակցութեամբ, թէ Փետրուար 11-ին չինական պահականաւը Ճափոնի ջրատարածքը ներխուժած է Արեւելաչինական ծովի վիճելի կղզիներուն մօտ: Այդ մասին, ինչպէս կը հաղորդէ «Արմէնփրես»-ը, յայտնած է «NHK» հեռուստաալիքը:

Հեռուստաալիքին տուեալներով՝ Չինաստանի չորս պահականաւերը մօտեցած են Ճափոնի տարածքային ջուրերուն, եւ անոնցմէ մէկը ներթափանցած է, ինչպէս կը պնդեն, ճափոնական գօտի Սենքաքու կղզիներուն մօտ, որոնք Չինաստանի մէջ կ’անուանեն Տիայոյու եւ կը համարեն իրենցը:

Ճգնաժամային հակազդումի մարմինը տեղեկութիւն կը հաւաքէ այդ միջադէպին վերաբերեալ եւ կը հետեւի հետագայ իրադրութեան, նշած է հեռուստաալիքը: Սենքաքու կղզիները տարածքային վէճի առարկայ են Չինաստանի եւ Ճափոնի միջեւ, հաղորդած է «ՌԻԱ նովոսթի»-ն:

Share Button

Leave a Reply

Your email address will not be published. Required fields are marked *

Լրատուութեան գործընկեր