• London

  • Beirut

  • Moscow

  • Los Angeles

  • Paris

  • Sydney

  • Toronto

Հակահայ Լոպպիստ Քեւին Օքսուզի Վերաբերեալ Դատավճիռը Հրապարակուած Է Փետրուար 11-ին

12.02.2019   01:41

«ԶԱՐԹՕՆՔ», ՊԷՅՐՈՒԹ – ԱՄՆ քաղաքացիազգութեամբ թուրք, հակահայ լոպպիստ  Քեւին Օքսուզի վերաբերեալ դատավճիռը Գոլոմպիոյ նահանգի շրջանային դատարանը հրապարակած է Փետրուար 11-ին:

Այս մասին, ինչպէս կը հաղորդէ «Արմէնփրես»-ը, կը տեղեկանանք ԱՄՆ-ի արդարադատութեան նախարարութեան հանրային կապերու բաժնի հաղորդագրութենէն:

«Օքսուզի դատավճիռը հրապարակուած է Գոլոմպիոյ նահանգի շրջանային դատարանին կողմէ 2019 թուականի Փետրուար 11-ին: ԱՄՆ արտաքին գործոց գրասենեակը եւ ԱՄՆ պետական քարտուղարութիւնը, գործակցելով Հայաստանի իշխանութեան հետ, զգալի աջակցութիւն ցուցաբերած է արտայանձնումի գործընթացին»,- նշուած է հաղորդագրութեան մէջ:

Հայաստանի Հանրապետութեան գլխաւոր դատախազին կողմէ որոշում կայացուած է Քեւին (Քեմալ) Օքսուզի նկատմամբ քրէական հետապնդում իրականացնելու նպատակով զինք յանձնել Ամերիկայի Միացեալ Նահանգներու իրաւասու մարմիններուն:

Հայաստանի Հանրապետութեան իրաւասու մարմիններուն յանձնարարուած էր իրականացնել Ք. Օքսուզի փոխանցումը ԱՄՆ իրաւասու մարմիններուն: ԱՄՆ իրաւասու մարմիններուն կողմէ հետախուզուող Օքսուզի նկատմամբ Երեւան քաղաքի ընդհանուր իրաւասութեան առաջին ատեանի դատարանին Օգոստոս 31-ի որոշմամբ կիրարկուած էր կալանաւորում:

Share Button

Leave a Reply

Your email address will not be published. Required fields are marked *

Լրատուութեան գործընկեր