• London

  • Beirut

  • Moscow

  • Los Angeles

  • Paris

  • Sydney

  • Toronto

Մոսկուա Եւ Անգարա Պիտի Քննարկեն Սուրիոյ Մէջ «Ապահովական Գօտի» Ստեղծելու Մանրամասնութիւնները

21.01.2019   03:35

«ԶԱՐԹՕՆՔ», ՊԷՅՐՈՒԹ –  Թուրքիան կը շարունակէ բանակցութիւնները Ռուսիոյ հետ՝ Սուրիոյ հիւսիսը անվտանգութեան գօտիի ստեղծման վերաբերեալ: Այս մասին յայտարարած է Թուրքիոյ ԱԳՆ պաշտօնական ներկայացուցիչ Համի Ասքոյը, կը հաղորդէ «TASS»-ը:

«Մենք շատոնց խօսած ենք գաղթականներու անվտանգութեան ապահովման համար գօտի ստեղծելու անհրաժեշտութեան մասին, սակայն այդ ժամանակ  մեր առաջարկը չընդունեցին,- նշած է ան:- Այս թեմայով մենք կը շարունակենք մեր շփումները մեր ռուս գործընկերներուն հետ: Նախագահներ Էրտողանը եւ Փուլին կը քննարկեն այդ հարցը Յունուար 23-ին Ռուսիոյ մէջ»։

Ասքոյի խօսքերով՝ Անգարան նաեւ «կը շարունակէ բանակցութիւնները Ուաշինկթընի հետ՝ ռազմական եւ քաղաքացիական մակարդակներու վրայ»: «Թուրքիոյ ԱԳՆ պատուիրակութիւնը, արտաքին գործոց փոխնախարար Սետաթ Օնալի գլխաւորութեամբ, այս հարցը ամերիկացի գործընկերներու հետ կը քննարկէ Փետրուար 5-ին Ուաշինկթընի մէջ կայանալիք այցի ընթացքին»,- ընդգծած է արտաքին քաղաքական գերատեսչութեան ներկայացուցիչը»:

 

Share Button

Leave a Reply

Your email address will not be published. Required fields are marked *

Լրատուութեան գործընկեր