• London

  • Beirut

  • Moscow

  • Los Angeles

  • Paris

  • Sydney

  • Toronto

Կարօ Փայլանը Անձեռնմխելիութենէ Զրկելու Վերաբերեալ Միջնորդութիւն Ներկայացուցած Է Նաեւ Դատախազութիւնը

12.01.2019   13:55

«ԶԱՐԹՕՆՔ», ՊԷՅՐՈՒԹ –  Թուրքիոյ նախագահականէն ետք քրտամէտ «Ժողովուրդներու դեմոկրատական» HDP կուսակցութենէն խորհրդարանի հայազգի պատգամաւոր Կարօ Փայլանը անձեռնմխելիութենէ զրկելու միջնորդութիւն ներկայացուցած է նաեւ Տիարպեքիր քաղաքի դատախազութիւնը:

Այս մասին, ինչպէս կը հաղորդէ «Արմէնփրես»-ը, կը յայտնէ թրքական demokrathaber.org-ը:

Դատախազութիւնը միջնորդութիւնը ներկայացուցած է Փայլանի դէմ Թուրքիոյ օրէնսգիրքի 301 յօդուածով (յօդուածը թուրք ժողովուրդի եւ Թուրքիա պետութեան, պետական մարմիններու հասցէին վիրաւորանք հնչեցնելու համար պատիժ կը նախատեսէ) սկսած հետաքննութեան ծիրէն ներս:

Փայլանի նկատմամբ հետաքննութիւնը սկսած է իր կատարած յայտարարութենէն ետք, ուր պատգամաւորը ըսած էր. «Տիարպեքիրի ամէն մէկ անկիւնը կարելի է զրահասարք ու ջրցան մեքենաներ տեսնել, ինչը կը յիշեցնէ Հիթլերի ու Մուսոլինիի ժամանակաշրջանը»:

Իշխանութիւնը պատգամաւորի յայտարարութիւնը դիտարկած է որպէս վիրաւորանք պետութեան հասցէին:

Share Button

Մեկնաբանել

Լրատուութեան գործընկեր