• London

  • Beirut

  • Moscow

  • Los Angeles

  • Paris

  • Sydney

  • Toronto

Թուրքիան Կը Պատրաստուի Յառաջիկայ Օրերուն Սուրիոյ Մէջ Նոր Ռազմական Գործողութիւններ Իրականացնել

13.12.2018   02:18

«ԶԱՐԹՕՆՔ», ՊԷՅՐՈՒԹ – Թուրքիոյ նախագահ Ռեճեփ Թայիփ Էրտողան յայտնած է, որ երկրի զինուած ուժերը կը պատրաստուին յառաջիկայ օրերուն նոր ռազմական գործողութիւններ իրականացնել Սուրիոյ տարածքին: Այս մասին, ինչպէս կը հաղորդէ «Արմէնփրես»ը, կը յայտնէ թրքական «NTV» հեռուստաալիքը:

Ռազմական գործողութիւնները կը ծրագրուի իրականացնել Եփրատ գետի Արեւելեան ափին տեղակայուած քրտական ուժերուն դէմ:

«Եփրատի արեւելքը ահաբեկչական խմբաւորումներէ մաքրելու ուղղուած ռազմական գործողութիւններ պիտի իրականացնենքՉնայած այն հանգամանքին, որ ԱՄՆը խոստացած էր Թուրքիոյ, որ պիտի չօժանդակէ Սուրիոյ քրտերուն (PYD/YPG), չէ կատարած իր խոստումը: Պարզ է, որ ԱՄՆը դիտակէտեր հիմնած է ոչ թէ Թուրքիոյ ահաբեկիչներէն պաշտպանելու համար, այլ հակառակը»,- նախագահական պալատին մէջ ելոյթի ժամանակ ըսած է Էրտողան:

Էրտողան միեւնոյն ժամանակ նշած է, որ թրքական ԶՈՒի թիրախը պիտի ըլլան ոչ թէ ամերիկացի զինուորները, այլ քիւրտերը:

Share Button

Leave a Reply

Your email address will not be published. Required fields are marked *

Լրատուութեան գործընկեր