• London

  • Beirut

  • Moscow

  • Los Angeles

  • Paris

  • Sydney

  • Toronto

Իսրայէլի Օդուժի Հարուածներէն Հինգ Պաղեստինցի Զոհուած Է Կազայի Հատուածին Մէջ. «Maan»

14.11.2018   02:18

«ԶԱՐԹՕՆՔ», ԼԻԲԱՆԱՆ –  Իսրայէլի ռազմաօդային ուժերու հարուածներուն հետեւանքով հինգ պաղեստինցի զոհուած է Կազայի հատուածին մէջ: Այդ մասին, ինչպէս կը փոխանցէ «Արմէնփրես»ը, Նոյեմբեր 13ին յայտնած է «Maan» պաղեստինեան լրատուական գործակալութիւնը՝ վկայակոչելով ափամերձ միջատարածքի բժշկական աղբիւրներ:

Նախօրեակին առողջապահութեան նախարարութիւնը յայտնած էր Կազայի հիւսիսային հատուածին մէջ 22 եւ 27 տարեկան սպաննուած երկու արաբներու մասին, իսկ մէկ հոգի եւս զոհուած էր Եգիպտոսի հետ սահմանի Ռաֆահ քաղաքէն արեւելք օդային յարձակումի ընթացքին: Իսրայէլի կողմէ Նոյեմբեր 13ին վերսկսած գործողութեան ընթացքին 26ամեայ ագարակապան զոհուած է Պէյլ-Լիահիի մէջ: Բացի այդ՝ իսրայէլական կողմի տուեալներով՝ բանակային անօդաչուն հարուած հասցուցած է պաղեստինցիի մը, որ ականներ կ’արձակէր Իսրայէլի տարածքի ուղղութեամբ:

Պաղեստինեան տարածքներու մէջ լարուած թէժ իրավիճակին հետեւանքով Մահմուտ Ապասը ընդհատած է պաշտօնական այցը Քուէյթ եւ վերադարձած է Ռամալլահ:

Աւելի կանուխ, Պաղեստինի նախագահ Մահմուտ Ապասը կոչ ըրած է համաշխարհային հանրակցութեան անյապաղ միջամտելու Կազայի հատուածի իրադրութեան եւ կանգնեցնել Իսրայէլի զաւթողականութիւնը: Ապասը հեռախօսային հաղորդակցութիւններ ունեցած է տարածաշրջանի ու աշխարհի ղեկավարներուն հետ՝ կոչ ընելով «անհապաղ ու շտապ կարգով միջամտելու իրադրութեան՝ զաւթողականութիւնը կանգնեցնելու նպատակով»:

Յիշեցնենք, որ նախորդող օրը Կազայի Հատուածէն 370 Հրթիռ Արձակուած Է Իսրայէլի Ուղղութեամբ: Արդարաեւ Կազայի հատուածէն 370 հրթիռ արձակուած են Իսրայէլի ուղղութեամբ, անոնցմէ 100ը կալանուած է հակաօդային պաշտպանութեան «Երկաթեայ գմբէթ» համակարգի կողմէ: Այդ մասին, ինչպէս կը փոխանցէ «Արմէնփրես»ը, երէկ յայտնած է Իսրայէլի պաշտպանութեան բանակի մամուլի ծառայութիւնը:

«Իսրայէլի քաղաքացիական անձանց դէմ ահաբեկչական կազմակերպութիւններու լայնամաշտաբ գրոհի մեկնարկէն ի վեր Կազայի հատուածին մէջ 370 հրթիռի արձակում գրանցուած է Իսրայէլի ուղղութեամբ, որոնցմէ 100ը կալանուած է «Երկաթեայ գմբէթ» հակաօդային պաշտպանութեան համակարգի կողմէ»,- ըսուած է զինուորականներու կողմէ տարածուած յայտարարութեան մէջ:

«Haaretz» թերթի տեղեկութեան համաձայն՝ հրթիռակոծումներու հետեւանքով մէկ մարդ զոհուած է: Իսրայէլցի բժիշկները յայտնած են 53 տուժածներու մասին: Բանակի մամուլի ծառայութեան մէջ նաեւ յայտնած են, որ Իսրայէլի պաշտպանութեան բանակը, ի պատասխան հրթիռակոծումներու, 100է աւելի ռազմական կայաններ խոցած է Կազայի հատուածին մէջ: «Կազայի հատուածին մէջ իսրայէլական բանակի շարունակուող հարուածները կ’իրականանան պատասխան լուրջ գրոհներու՝ Կազայէն Իսրայէլի տարածքի հրթիռակոծման եւ ականակոծման»,- յաւելած են մամուլի ծառայութեան մէջ, հաղորդած է «ՏԱՍՍ»ը:

Share Button

Մեկնաբանել

Լրատուութեան գործընկեր