• London

  • Beirut

  • Moscow

  • Los Angeles

  • Paris

  • Sydney

  • Toronto

Աւստրալիոյ Վարչապետը Ներողութիւն Խնդրած Է Սեռական Բռնութեան Զոհերէն

23.10.2018   01:43

«ԶԱՐԹՕՆՔ», ՊԷՅՐՈՒԹ –    Աւստրալիոյ վարչապետ Սքոթ Մորիսոնը պաշտօնապէս ներողութիւն խնդրած է սեռական բռնութեան զոհերէն: Հարիւրաւոր մարդիկ հաւաքուած էին Քանպերայի մէջ՝ լսելու խորհրդարանին յղած իր յուզական ուղերձը, կը փոխանցէ «Արմէնփրես»-ը՝ յղում ընելով BBCին:

Հետաքննութեան ընթացքին, որ տեւած է հինգ տարի, պարզուած է, որ մի քանի տասնամեակ երկրի հաստատութիւններուն ու կազմակերպութիւններուն մէջ սեռական բռնութեան ենթարկուած են տասնեակ հազարաւոր երեխաներ:

«Այսօր մենք վերջապէս կրնանք խոստովանիլ ու լսել մեր երեխաներու կորսուած ճիչերը: Մեզի հարկաւոր է հաշտուիլ ու խոնարհիլ անոնց առջեւ, որոնց մասին մենք մոռցած էինք, եւ ներում աղերսենք անոնցմէ»,- ըսած է ան:

Հետաքննութեան ընթացքին, որ շարունակուած է մինչեւ 2017 թուականի Դեկտեմբերը, լսուած են բռնութեան աւելի քան 8 հազար զոհերու ցուցմունքներ, որ տեղի ունեցած է եկեղեցիներու, դպրոցներու եւ մարզական ակումբներու մէջ:

«Ինչո՞ւ կ’անտեսուէին երեխաներու եւ ծնողներու ճիչերը: Ինչո՞ւ կուրցած էր մեր արդարադատութեան համակարգը անօրինականութեան նկատմամբ: Ինչո՞ւ այսքան երկար ժամանակ պահանջուեցաւ գործել սկսելու համար»,- ըսած է Մորիսոնը:

Ընդդիմութեան առաջնորդ Պիլ Շորթենը, դիմելով խորհրդարանին, ըսած է. «Կայ վնաս, որ անկարելի է ուղղել: Բայց այսօր Աւստրալիան ներում կը խնդրէ»: Վարչապետի եւ ընդդիմութեան առաջնորդի ելոյթներէն ետք խորհրդարանին մէջ յայտարարուած է լռութիւն: Բարեգործական կազմակերպութիւնները, որոնք աջակցութիւն ցուցաբերած են բռնութեան զոհերուն, յայտնած են, որ տուժածներն ու անոնց մերձաւորները բոլոր երկիրներէն ժամանած են Քանպերա, որպէսզի լսեն վարչապետի ներողութիւնը: «Անոնք եկած են ծանր սրտով,- ըսած է Care Leavers Australasia Network կազմակերպութեան ղեկավար Լէոնի Շիտին:- Հիանալի է, որ երկիրը ներողութիւն կը խնդրէ, բայց դեռ շատ աշխատանք կայ ընելու»:

Միւս կողմէ՝ բռնութեան բազմաթիւ զոհեր քննադատած են կառավարութեան արձագանգը հետաքննութեան:

Սեռական բռնութեան բոլոր զոհերուն պէտք է վճարուի մօտաւորապէս 106 հազար տոլար, շատերը այդ գումարը բաւարար չեն համարեր: Հետաքննութեան ընթացքին ոստիկանութեան դիմած է 15 հազարէն աւելի մարդ, քննութիւն տեղի ունեցած է աւելի քան 4 հազար կազմակերպութիւններու նկատմամբ, հիմնականօրէն՝ կրօնական եւ կրթական: Ամէնէն յաճախ սեռական ոտնձգութիւններուն խառն եղած են հոգեւորականներն ու դպրոցներու ուսուցիչները:

 

 

 

Share Button

Մեկնաբանել

Լրատուութեան գործընկեր