• London

  • Beirut

  • Moscow

  • Los Angeles

  • Paris

  • Sydney

  • Toronto

Թրքական Ոստիկանութիւնը Իսթամպուլի Մէջ Սէուտացի Անհետացած Լրագրողի Մարմինը Գտնելու Համար Սեւ Բեռնատար Կ’որոնէ

11.10.2018   01:26

«ԶԱՐԹՕՆՔ», ՊԷՅՐՈՒԹ –Թրքական ոստիկանութիւնը կ’որոնէ սեւ բեռնատար, ուր ամենայն հաւանականութեամբ կարելի պիտի ըլլայ գտնել Հոկտեմբեր 2-ին Իսթամպուլի մէջ Սէուտական Արաբիոյ գլխաւոր հիւպատոսութիւն մուտք գործելէ ետք անհետացած «The Washington Post»-ի սէուտացի թղթակից Ճամալ Հաշքաճիի մարմինը: 

Այս մասին, ինչպէս կը հաղորդէ «Արմէնփրես»-ը, կը յայտնէ թրքական «Տիքեն» պարբերականը: 

Ճամալ Հաշքաճիի անհետացման գործով հետաքննութիւն իրականացնող թրքական ոստիկանութիւնը հակուած է այն վարկածին, ըստ որուն՝ սէուտացի լրագրողը սպաննուած է:

Թրքական ոստիկանութիւնը մանրամասն կ’ուսումնասիրէ հիւպատոսութեան տարածքը հսկող անվտանգութեան 150 տեսախցիկներու արձանագրած լուսանկարները:

Տեսախցիկներու արձանագրած լուսանկարները յստակօրէն հաստատած են լրագրողի մուտքը հիւպատոսութիւն, սակայն չկայ գոնէ մէկ լուսանկար կամ տուեալ, որ հաստատած ըլլայ լրագրողի դուրս գալը հիւպատոսութենէն:

Հետաքննութեան արդիւնքներուն համաձայն՝ լրագրողի սպանութեան մէջ կը կասկածուի 7 անձ, որոնք իր անհետացման օրը 2 տարբեր օդանաւերով ժամանած են Իսթամպուլ, Հաշքաճիի հիւպատոսութիւն մտնելէ կէս ժամ առաջ մտած են հիւպատոսութեան շէնք, մօտ մէկուկէս ժամ անց դուրս եկած եւ գացած են 3 տարբեր ուղղութիւններով: 

Միացեալ ազգերու կազմակերպութիւնը (ՄԱԿ) դիմած էր Թուրքիոյ եւ Սէուտական Արաբիոյ՝ կոչ ընելով Իսթամպուլի մէջ անհետացած սէուտացի ընդդիմադիր լրագրող Ճամալ Հաշքաճիի գործով անյապաղ քայլերու ձեռնարկել:

Հոկտեմբեր 8-ին Թուրքիոյ ԱԳ նախարարը Սէուտական Արաբիոյ դեսպան Ուալիտ Ապտըլ Քարիմի ալ Հարիճիին կանչած է սէուտացի լրագրող Ճամալ Հաշքաճիի անհետացման առնչութեամբ:

Թուրքիոյ ԱԳ նախարարը դեսպանէն խնդրած էր թոյլ տալ խուզարկութիւն իրականացնելու Իսթամպուլի Սէուտական Արաբիոյ գլխաւոր հիւպատոսութեան մէջ:

Թուրքիոյ մէջ Սէուտական Արաբիոյ դեսպանը Թուրքիոյ մէջ կորսուած յայտնի լրագրող Ճամալ Հաշքաճիի գործի վերաբերեալ պարզաբանումներ տալու համար կանչուած էր հիւրընկալ երկրի արտաքին գործոց նախարարութիւն նաեւ Հոկտեմբեր 4-ին:

Հաշքաճին Հոկտեմբեր 2-ին այցելած է Իսթամպուլի մէջ Սէուտական Արաբիոյ հիւպատոսարան, որմէ ետք իր մտերիմները անոր մասին լուր չունին: 

Հաշքաճիին կանչած են հիւպատոսարան, իր ընկերուհին սպասած է մուտքին, սակայն լրագրողը դուրս չէ եկած: 

Իսթամպուլի մէջ Սէուտական Արաբիոյ հիւպատոսարանէն կը պնդեն, որ լրագրողը դուրս եկած է շինութեան տարածքէն, ապա  կորսուած: 

Share Button

Մեկնաբանել

Լրատուութեան գործընկեր