• London

  • Beirut

  • Moscow

  • Los Angeles

  • Paris

  • Sydney

  • Toronto

Դանիական Danske Bank-ի Նախագահը Հրաժարական Տուած Է Ազրպէյճանական Եւ Ռուսական Ծագման Գումարներու Լուացման Պատճառով

20.09.2018   02:14

«ԶԱՐԹՕՆՔ», ՊԷՅՐՈՒԹ – Դանիայի մէջ գործող Danske Bank-ի նախագահ Թոմաս Պորկէն հրաժարականի դիմում ներկայացուցած է:

Այս մասին, ինչպէս կը հաղորդէ «Արմէնփրես»ը, կը յայտնեն ազրպէյճանական լրատուամիջոցները:

Պորկէնի հրաժարական ներկայացնելու պատճառը եղած է Danske Bank-ի Էսթոնիայի մէջ գործող մասնաճիւղին շուրջ գայթակղութիւնը:

«Ակնյայտ է, որ Էսթոնիայի մէջ փողերու լուացման դէպքի հարցին մէջ Danske Bank-ը հաւատարիմ չէ մնացած իր ստանձնած պարտաւորութիւններուն»,- նշած է ան:

Մամուլի մէջ տարածուած տեղեկութիւններուն համաձայն՝ տանիական մեծագոյն դրամատան էսթոնական մասնաճիւղին միջոցով յետխորհրդային շարք մը պետութիւններու պետական պաշտօնեաներ 2007-2015 ժամանակահատուածին մօտ 150 միլիառ տոլարի փողերու լուացում իրականացուցած են: Այդ երկիրներուն մէջ է նաեւ Ազրպէյճանը:

 

Share Button

Մեկնաբանել

Լրատուութեան գործընկեր