• London

  • Beirut

  • Moscow

  • Los Angeles

  • Paris

  • Sydney

  • Toronto

Այնթապի Առաջին Լուսանկարիչը Հայ Եղած Է

16.07.2018   19:23

Gaziantepsabah.com կայքէջի թղթակիցը զրուցած է Այնթապի (պաշտօնական անուանումը` Գազիանթեփ-Ակունքի) յայտնի լուսանկարիչ Սերտար Պէյազասլանի հետ, որ լրատուամիջոցին յայտնած է, որ այստեղի առաջին լուսանկարիչը  հայ եղած է:  Այդ մասին կը փոխանցէ «Akunq.net»-ը:

Ըստ աղբիւրի` Պէյազասլանը մասնաւորապէս հետեւեալը ըսած է  հայ լուսանկարիչին մասին. «Հետագային Կազիանթեփի առաջին վարպետները հայերէն սորված են այդ մասնագիտութիւնը: Իմ հայրս եւս եղած է այդ հայ լուսանկարիչին աշկերտներէն»:

Յիշեցնենք, որ Այնթապի հայերը զանգուածաբար ոչնչացուեցան 1915-1921 թուականներուն: Հայոց Ցեղասպանութենէն փրկուածները ապաստանեցան Սուրիոյ, Լիբանանի, ԱՄՆ-ի մէջ:

Ըստ թուրք ուսումնասիրող Մուրադ Ուչաների` ներկայիս Այնթապ նահանգին մէջ կ’ապրի 2 միլիոն մարդ, որուն միայն 5 տոկոսը բնիկ այնթապցի է: Եւ այդ 5 տոկոսին գրեթէ կէսը (այսինքն` 50 հազարը) կը կազմեն իսլամացած հայերը: Սակայն անոնց մեծ մասը կը մերժէ իր հայկական ծագումը` ըսելով. «Մենք իսլամ թուրք ենք»: Մօտ 25 հազար իսլամացած հայ կ’ապրի Այնթապի կեդրոնը, իսկ Նիզիփի եւ Պիրեջիքի բնակչութեան մէկ երրորդը բաղկացած է կրօնափոխ հայերէ:

Share Button

Մեկնաբանել

Լրատուութեան գործընկեր