• London

  • Beirut

  • Moscow

  • Los Angeles

  • Paris

  • Sydney

  • Toronto

Արա Տարզին Եւ Ռուբէն Վարդանեանն Այցելեցին Հայրենիքի Պաշտպանի Վերականգնողական Կեդրոն

13.06.2018   21:16

Ականաւոր վիրաբոյժ, Միացեալ Թագաւորութեան Լորտերու պալատի անդամ, Մեծ Բրիտանիոյ առողջապահութեան նախկին նախարար Արա Տարզին ԵՊԲՀ-ի մէջ բաց դասախօսութենէ անմիջապէս ետք «Աւրորա» մարդասիրական նախաձեռնութեան համահիմնադիր Ռուբէն Վարդանեանի եւ ԵՊԲՀ տնօրէն Արմէն Մուրադեանի ուղեկցութեամբ այցելեց Հայրենիքի պաշտպանի վերականգնողական կեդրոն: Արմէն Մուրադեան հիւրերուն ներկայացուց կեդրոնի ստեղծման պատմութիւնը:

Հիւրերուն ներկայացուեցան կեդրոնի հնարաւորութիւններն ու ծառայութիւնները, ինչպէս նաեւ ընդգծուեցաւ, որ կեդրոնը, ինչպէս եւ իրենք՝ նախաձեռնողները կ’ըսեն, զինուորի տուն է, այստեղ անոնք ոչ միայն կը բուժուին, այլեւ կը մասնակցին ընկերային տարատեսակ ծրագիրներու եւ ձեռնարկներու: Աշխատանքներ կը տարուին նաեւ տղաներու մասնագիտութեան ձեռք բերման, աշխատանքի ապահովման ուղղութեամբ:

Արա Տարզին շրջեցաւ սենեակներով, խօսեցաւ այստեղ վերականգնողական բուժում ստացող տղաներուն հետ: Անոր ուշադրութեան արժանացան նաեւ այն վերջին սերունդի սարքաւորումները, որոնց միջոցով մասնագէտները կ’իրականացնեն զինուորներու առողջութեան վերականգնման աշխատանքները:

 

Share Button

Մեկնաբանել

Լրատուութեան գործընկեր