• London

  • Beirut

  • Moscow

  • Los Angeles

  • Paris

  • Sydney

  • Toronto

Էրտողան Դարձեալ Կ’արտայայտուի «1915-ի Դէպքեր»-ու «Բաց» Արխիւներուն Մասին

14.05.2018   20:36

Թուրքիոյ նախագահ Ռեճեփ Թայիփ Էրտողան Մայիս 8-ին ունեցած ելոյթի մը ընթացքին դարձեալ արտայայտուեցաւ Հայոց Ցեղասպանութեան մասին՝ ասպարէզ կարդալով Ցեղասպանութեան «պնդում»-ները կատարողներուն։  Այս մասին կը հաղորդէ «Մարմարա»-ն։

«Այսօր Թուրքիոյ զինուորական ուժերը ամբողջովին բացած են իրենց արխիւները եւ անոնք ուսումնասիրութիւններու տրամադրութեան տակ են։ Բացուած են նաեւ հանրապետութեան նախագահութեան արխիւները։ Ո՛վ ուզէ, թող գայ եւ ուսումնասիրէ։ Շարունակ այս կոչը ըրի մասնաւորաբար բոլոր անոնց, որոնք Հայոց Ցեղասպանութեան մասին կը խօսին։ Եթէ կ’ուզէք, հրամմեցէ՛ք, եկէ՛ք։ Մենք բացեր ենք մեր արխիւները, եթէ դուք ունիք, դո՛ւք ալ բացէք ձեր արխիւները։ Բայց ասոնք, միանալով իրենց Սփիւռքին, ուրիշ ոչի՛նչ կ’ընեն, բացի արատաւորելէ Թուրքիան։ Ուրիշ ոչի՛նչ կ’ընեն, բացի Թուրքիոյ դէմ արշաւներ կազմակերպելէ։ Առատ դրամ ալ ունին։ Կը ջանան Թուրքիան ձգել յանցաւորի դիրքին մէջ։ Պիտի չյաջողի՛ն։ Որովհետեւ մենք իրաւացի՛ ենք»,- ըսաւ Էրտողան՝ կրկնելով, որ «Թուրքիան ցեղասպանական անցեալ չունի»:

Share Button

Մեկնաբանել

Լրատուութեան գործընկեր