• London

  • Beirut

  • Moscow

  • Los Angeles

  • Paris

  • Sydney

  • Toronto

Թուրքիոյ Մարտին Նահանգի Հայկական Եկեղեցին Մնացած Է Իսլամ Կնոջ Խնամքին Տակ

12.04.2018   20:33

Թուրքիոյ հարաւ-արեւելեան Մարտին նահանգի Տերիք շրջանի միակ հայկական եկեղեցին մնացած է հարեւանութեամբ ապրող Հաթուն Չաչուր անունով իսլամ կնոջ մը (ազգութեամբ քիւրտ-խմբ.) խնամքին, կը հաղորդէ «Էրմէնիհապեր»-ը:

1650 թուականին կառուցուած Սուրբ Գէորգ եկեղեցին մնացած է առանց հoտի, երբ 1980-ականներուն հեռացած են Տերիքի մէջ ապրող վերջին հայերը: Անցեալ տասնամեակներուն եկեղեցւոյ մասին հոգ տարած է այստեղ մնացած միակ հայկական ընտանիքը` Եուրշալին եւ Նայիֆ Տէմիրջի զոյգը: Բայց հիմա արդէն այդ տարեց զոյգը վատառողջութեան պատճառով կը դժուարանայ տունէն ելլելու` չկարենալով հոգալ եկեղեցւոյ մասին:

Այժմ իսլամ կինը ստանձնած է հայկական եկեղեցւոյ խնամքը: Ան նոյնպէս տարեց է եւ 8 երեխաներու մայր: Ան իր մօտ կը պահէ եկեղեցւոյ բանալին, կը մաքրէ եկեղեցին եւ բակը, կը ջրէ 1500 քմ ընդհանուր մակերեսով այգիին ծառերը:

«Պետութիւնը ինծի որեւէ աշխատավարձ չի տար, ոչ մէկը կ’օգնէ: Ես ալ տարիքով մեծ եմ, հիւանդ եմ, բայց չեմ ուզեր, որ այս եկեղեցին մնայ բախտի քմահաճոյքին»,- ըսած է Չաչուրը:

Share Button

Մեկնաբանել

Լրատուութեան գործընկեր