• London

  • Beirut

  • Moscow

  • Los Angeles

  • Paris

  • Sydney

  • Toronto

«Աթէշեա՛ն, Հրաժարի՛ր». Շարք Մը Պոլսահայեր Հեռանալու Կոչ Կ’ուղղեն Աթէշեանին

11.04.2018   09:03

Թուրքիոյ հայ համայնքը համացանցի մէջ յատուկ տեսանիւթի միջոցով կոչ մը հրապարակած է` պահանջելով Պոլսոյ Հայոց պատրիարքի փոխանորդ Արամ Աթէշեանի հրաժարականը, կը հաղորդէ «Թերթ»-ը:

«Ոչ թէ, այսպէս կոչուած, փոխանորդ, այլ ընտրուած պատրիարք կ’ուզենք», «Աթէշեա՛ն, հրաժարի՛ր» կոչերով շարք մը պոլսահայ երիտասարդներ, մտաւորականներ, հասարակական ու մշակութային գործիչներ տեսանիւթին մէջ իրենց բողոքը յայտնած են Աթէշեանի գործունէութեան դէմ` պահանջելով անյապաղ պատրիարքի ընտրութիւններու կազմակերպումը:

Շաբաթներ առաջ պոլսահայ համայնքը ստորագրահաւաք սկսած է Պոլսոյ Հայոց պատրիարքի ազատ ընտրութիւն իրականացնելու պահանջով:

Ստորագրահաւաքով համայնքի անդամները կը պահանջեն չխախտել ազատ ընտրութեան իրենց օրինական իրաւունքն ու Պոլսոյ Հայոց պատրիարքի փոխանորդի պաշտօնին վերանշանակուած Արամ Աթէշեանի փոխարէն ընտրել համայնքի վստահութեան արժանացած նոր պատրիարք:

 

Share Button

Մեկնաբանել

Լրատուութեան գործընկեր