• London

  • Beirut

  • Moscow

  • Los Angeles

  • Paris

  • Sydney

  • Toronto

«Ցեղասպանութեան Որբեր» Ֆիլմը Տրամադրելի Է Աւելի Քան 300 Հանրային Կայաններու

03.03.2016   21:59

«Ցեղասպանութեան Որբեր» վաւերագրական ֆիլմը արտադրած «Արմենոյտ» ընկերութիւնը կը տեղեկացնէ, թէ Մարտ 1-էն սկսեալ ֆիլմը տրամադրելի է Միացեալ Նահանգներու տարածքին գործող աւելի քան 300 հանրային կայաններու (PBS)՝ Ուսումնական հեռահաղորդակցութեան ազգային միութեան (NETA) որոշումին համաձայն։

Աշխատանք կը տարուի Պարէտ Մարոնեանի բեմադրած եւ մրցանակակիր այս ֆիլմը, կարելի եղածին չափ մեծ թիւիով հանրային կայաններէ ցուցադրելու, մինչեւ այս տարուան Ապրիլ 24, որուն համար կարելի է նաեւ դիմել ձեր շրջաններու հանրային կայաններու պատասխանատուներուն՝ խնդրելով անոնցմէ, որ այս կարեւոր ֆիլմը ցուցադրեն։

Ուսումնական հեռահաղորդակցութեան ազգային միութեան այս որոշումը մեծ պատիւ մը նկատելով՝ Մարոնեան կը յայտնէ, թէ ասիկա շատ լաւ առիթ մըն է Հայոց Ցեղասպանութեան որբերու պատմութիւնը լուսարձակի տակ առնելու համար։

Նշենք, որ արդէն իսկ կարգ մը հանրային կայաններ ցուցադրած են ֆիլմը, իսկ «Արմէնոյտ» ընկերութիւնը այժմ կ՛աշխատի արտադրելու Ցեղասպանութեան կանանց նուիրուած վաւերագրական ֆիլմ մը, որուն նեցուկ կանգնելու համար կարելի է դիմել (954) 646-0944 թիւին կամ bared.maronian@gmail.com հասցէին։

Share Button

Leave a Reply

Your email address will not be published. Required fields are marked *

Լրատուութեան գործընկեր