• London

  • Beirut

  • Moscow

  • Los Angeles

  • Paris

  • Sydney

  • Toronto

Ամերիկահայ Ուսանողները Լոս Անճելոսի Մէջ Ցեղասպանութեան Ճանաչման Ուղղուած Լուռ Ցոյց Կազմակերպած Են

15.02.2016   19:26

ԱՄՆ Քալիֆորնիա նահանգի Լոս Անճելոս քաղաքի մէջ գտնուող Օքսիտենթըլ քոլեճի (Occidental College) Հայ ուսանողներու միութիւնը (ASA), Ճանսըն ուսանողական կեդրոնին մէջ լուռ ցոյց կարզմակերպած է` Հայոց Ցեղասպանութեան մասին իրազեկուածութեան բարձրացման համար: Ինչպէս կը հաղորդէ «Արմէնփրես»­ը, այս մասին կը տեղեկացնէ քոլեճի պաշտօնական կայքը:

Մասնակից ուսանողները իրենց բերանները փակած են ժապաւէններով, որոնց վրայ գրուած են «ժխտում» եւ «արդարութիւն», ինչպէս նաեւ իրենց սպաննուած նախնիներու անունները: Անոնք նաեւ պահած են պաստառներ, որոնցմով կոչ ուղղած են աշխարհի տարբեր երկիրներու կառավարութիւններուն՝ չժխտելու Հայոց Ցեղասպանութիւնը:

«Մեզի համար կարեւոր է փորձել եւ միաւորուիլ: Որքան աւելի շատ մարդ իմանայ այս մասին, այդքան աւելի շատ բան կրնանք ընե: Ես կը հաւատամ, որ նոր սերունդը մարդու իրաւունքներու հարցով ամբողջութեամբ այլ մտածելակերպ պիտի ունենայ», ըսած ­է Հայ ուսանողներու միութեան համանախագահ Լիզա Նաճարեան:

Share Button

Leave a Reply

Your email address will not be published. Required fields are marked *

Լրատուութեան գործընկեր