• London

  • Beirut

  • Moscow

  • Los Angeles

  • Paris

  • Sydney

  • Toronto

03. 06. 2023

Ն.Ս.Օ.Տ.Տ. Արամ Ա. Կաթողիկոսին Հանդիպումները

04.07.2020   07:46

Անցնող երկու օրերու ընթացքին Ն.Ս.Օ.Տ.Տ. Արամ Ա. Վեհափառ Հայրապետը հետեւեալ հանդիպումները ունեցաւ.-                                                                                                                  

ա) Լիբանանի Հայոց թեմի Կաթողիկոսական Փոխանորդ Գերշ. Տ. Շահէ Եպս. Փանոսեանի գլխաւորութեամբ, Տէր եւ Տիկին Ալէքքօ եւ Անի Պեզիքեանի կողմէ հաստատուած Լիբանանի կարիքաւոր ընտանիքներու օժանդակութեան հիմնադրամի յանձնախումբ:

բ) Տիար Գառնիկ Մկրտիչեան, Լիբանանի թեմի Երեսփոխանական Ժողովի ատենապետ:

գ) Հնչակեան Կուսակցութեան Կեդրոնական եւ Լիբանանի վարչութեանց ներկայացուցիչներ:

դ) «Հայաստան» Համահայկական Հիմնադրամի Լիբանանի Վարչութիւն:

ե) Վերապատուելի Մկրտիչ Գարակէօզեան (Մերձաւոր Արեւելքի Հայ Աւետարանական համայնքներու նախագահ) եւ Վերապատուելի Փօլ Հայտոսթեան (Հայկազեան համալսարանի նախագահ):

Յիշեալ հանդիպումներուն այցելուները շնորհաւորեցին Վեհափառ Հայրապետին գահակալութեան 25-ամեակը, ինչպէս նաեւ խորհրդակցութիւն ունեցան Լիբանանի թեմին, համայնքին եւ ընդհանուր կացութեան եւ Հայաստան-Սփիւռք յարաբերութեան առնչուած հարցերու մասին:

Յայտնենք նաեւ, որ Նորին Սրբութեան գահակալութեան 25-ամեակին առիթով Կաթողիկոսարանը շնորհաւորական գիրեր ստացաւ թեմերէն, միութիւններէն եւ օտար կրօնական ու ակադեմական շրջանակներէն:

 

  Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր