• London

  • Beirut

  • Moscow

  • Los Angeles

  • Paris

  • Sydney

  • Toronto

ՍՐԲՈՑ ՂԵՒՈՆԴԵԱՆՑ ՏՕՆԸ ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ

19.02.2020   08:30

Այսօր՝ Երեքշաբթի, 18 Փետրուար 2020-ին, Ս. Ղեւոնդեանց Քահանայից տօնը յատուկ հանդիսաւորութեամբ տօնուեցաւ Անթիլիասի Մայրավանքի Ս. Գրիգոր Լուսաւորիչ Մայր Տաճարին մէջ: Առաւօտեան ժամերգութեան ընթացքին, «Քրիստոս Աստուած մեր» մաղթանքին ընդմէջէն յիշուեցան Աւարայրի  ճակատամարտին նահատակուած բոլոր հոգեւորականներու անունները:

Երեկոյեան, Ն.Ս.Օ.Տ.Տ. Արամ Ա. Վեհափառ Հայրապետին ներկայութեամբ միաբանական հաւաքական ընթրիք տեղի ունեցաւ: Ընթրիքի աւարտին, միաբաններէն մէկը կարդաց Ս. Ղեւոնդ Երէց քահանային քարոզը՝ ուղղուած հայոց բանակին: Ապա, Նորին Սրբութիւնը նախ ողջունեց Ղեւոնդ անունը կրող մեր ժողովուրդի զաւակները եւ ըսաւ. «Ղեւոնդ Երէցի վկայութիւնը ու կոչը այսօր եւս ուղղուած է իւրաքանչիւր հոգեւորականին՝ վերանորոգելու մեր հաւատքը ու մանաւանդ ծառայութիւնը ազգին ու հայրենիքին»:

Share Button

Leave a Reply

Your email address will not be published. Required fields are marked *

Լրատուութեան գործընկեր