• London

  • Beirut

  • Moscow

  • Los Angeles

  • Paris

  • Sydney

  • Toronto

ՀԵԸ Անդրանիկ Անթիլիաս  Հասաւ  Լիբանանի Պասքեթպոլի Ախոյեանութեան Աւարտականին

19.02.2020   08:29

ՀԵԸ Անդրանիկ Անթիլիասի  տղոց պասքեթպոլի  խումբը  յաղթանակ մը եւս աւելցուց  իր   յաղթարշաւին  վրայ, երբ Լիբանանի պասքեթպոլի ախոյեանութեան չորրորդ դասակարգի  «Ֆայնըլ Ֆոր»  փուլի  մրցումներուն գծով, Կիրակի 16  Փետրուար 2020-ին, Շիահի մարզադաշտին  մէջ՝  72-62 արդիւնքով  պարտութեան մատնեց Քըֆըրհազիրը:

  Մրցումը  ընթացաւ ՀԵԸ Անդրանիկ Անթիլիասի  տղոց   տիրապետութեան տակ:  Մեր տղաքը մրցումին առաջին իսկ պահէն  ցուցաբերեցին  յաղթանակի  տրամադրութիւն:

Շնորհիւ  սոյն  յաղթանակին,  ՀԵԸ Անդրանիկ Անթիլիաս  Հասաւ  Լիբանանի Պասքեթպոլի Ախոյեանութեան Աւարտականին Անդրանիկ Անթիլիասի տղաքը հասան  չորրորդ դասակարգի ախոյեանութեան աւարտական փուլին:  Կ’արժէ նշել, որ մեր տղաքը  յառաջիկայ տարուան համար,  արդէն իսկ ապահոված են երրորդ  դասակարգի ախոյեանութեան  մրցումներուն  մասնակցելու  իրենց ուղեգիրը:

Ջերմապէս կը շնորհաւորենք   ՀԵԸ Անդրանիկ Անթիլիասի պասքեթպոլի  խումբին մարզիկները, մարզիչ  Ճորճ Տաղերը, վարչական պատասխանատու՝ Թոնի Ճունթոյեանը եւ  բոլոր համակիրները սոյն յաջողութեան  համար: :

Աւարտականին,   ՀԵԸ Անդրանիկ Անթիլիասի  մրցակիցը պիտի   ըլլայ Հուփս Մեթնը:

ՀԵԸ-Ի ՄԱՄԼՈՅ ԵՒ ՏԵՂԵԿԱՏՈՒԱԿԱՆ ԳՐԱՍԵՆԵԱԿ

 

Share Button

Leave a Reply

Your email address will not be published. Required fields are marked *

Լրատուութեան գործընկեր