• London

  • Beirut

  • Moscow

  • Los Angeles

  • Paris

  • Sydney

  • Toronto

Հանդիպում Հայաստան Համահայկական Հիմնադրամի Գործադիր Տնօրէնին Հետ

16.12.2019   09:04

Լիբանանի մէջ ՀՀ արտակարգ եւ լիազօր դեսպան Վահագն Աթաբէկեանի հրաւէրով ՀՀ դեսպանատան մէջ հանդիպում կայացաւ աշխատանքային այցելութեամբ Լիբանան գտնուող Հայաստան համահայկական հիմնադրամի գործադիր տնօրէն Հայկակ Արշամեանի եւ հայկական ամենօրեայ լրատուամիջոցներու տնօրէններուն հետ։Հանդիպման ներկայ էր ՀՀ դեսպանութեան գ․ քարտուղար Դաւիթ Ալլավերտեան։

Դեսպան Աթաբէկեան պարզեց գործադիր տնօրէնին Լիբանան այցելութեան նպատակը , Լիբանանի ճգնաժամին հետեւանքով ստեղծուած տնտեսական ծանր կացութեան մէջ լիբանանահայ կրթական մարզին Հայաստան Համահայկական հիմնադրամի որոշած նիւթական աջակցութիւնը, եւ անդրադարձաւ լիբանանահայ լրատուամիջոցներու կատարած աշխատանքին կարեւորութեան։

Հայաստան հիմնադրամի գործունէութեան մասին գործադիր տնօրէն Հայկակ Արշամեանի տեղեկատուական եւ վերլուծական զեկուցումը կը վերաբերէր վերջին շրջանի աշխատանքներուն, հանգանակութեան նորարար եղանակներուն, Հիմնադրամի մշակած ռազմավարութեան եւ հետագայ ծրագիրներուն։

Ապա օրաթերթերու եւ ռատիոներու տնօրէնները ողջունեցին ճգնաժամին մէջ յայտնուած լիբանանահայ կրթական համակարգին  Հայաստան հիմնադրամին կողմէ կատարուած աջակցութիւնը, որմէ ետք քննարկումը կեդրոնացաւ համահայկական այս կարեւորագոյն կառոյցի ցանցային աշխատանքի ծաւալման եւ մանաւանդ սփիւռքահայ տեղեկատուական հաստատութիւններուն կողմէ այդ բոլորի մասին լուսաբանման աշխատանքներուն թափ տալու եղանակներուն վրայ։

Share Button

Leave a Reply

Your email address will not be published. Required fields are marked *

Լրատուութեան գործընկեր