• London

  • Beirut

  • Moscow

  • Los Angeles

  • Paris

  • Sydney

  • Toronto

Տիրամօր Վերափոխման Տօնը` Զմմառու Պատրիարքական Կղերի Միաբանութեան Վանքէն Ներս (լուսանկարներ)

20.08.2019   01:30

ՏԻԳՐԱՆ ՎՐԴ. ՓԻԼԻՊՊՈՍԵԱՆ

Տիրամօր Վերափոխման տօնը , հանդիսաւորապէս նշուեցաւ Զմմառու Պատրիարքական կղերի Միաբանութեան  Վանքի` Երանելի Իգնատիոս Մալոյեանի անուան ամփիթատրոնին մէջ :

Կիրակի , 18 Օգոստոսի առաւօտեան ժամը 10,30 ին, Ամեն.եւ Գերերջանիկ Տէր Գրիգոր Պետրոս Ի. Կաթողիկոս – Պատրիարք Տանն Կիլիկիոյ կաթողիկէ հայոց Հայրապետի մատուցած պատարագին , առընթերականերն էին`Զմմառու Պատրիարքական կղերի Միաբանութեան Դպրեվանքի Տեսուչ Հայր Գրիգոր վրդ. Պատիշահն ու Հայաստանի Սրբոցն Հրեշտակապետաց հոգեւոր ճեմարանի տեսուչ Հայր Մաշտոց վրդ. Զահթէրեանը:

Խորանին սպասաւորեցին Զմմառու Պատրիարքական կղերի Միաբանութեան Դպրեվանքի Կիսասարկաւագներն ու ժառանգաւորները, Հռոմի Քահանայապետական Լեւոնեան վարժարանի ժառանգաւորները եւ Հայաստանի Սրբոցն Հրեշտակապետաց հոգեւոր ճեմարանի ժառանգաւորները, Սարկաւագութեամբ Տ. Արամ Սրկ.Սաատոյի եւ կիս.Սրկ Պասէլ ( Վարդան ) Ճալլուֆի :

   Հոգեպարար արարողութեան ներկայ էին Հ.Հ. Արտակարգ եւ Լիազօր Դեսպան Տիար Վահագն Աթաբէկեան, նախարար` Ռիշար Գույումճեան , նախկին եւ ներկայ պետական բարձրաստիճան այրեր, հայ կաթողիկէ եպիսկոպոսաց եւ կղերից դասը ինչպէս եւ Լիբանանի զանազան շրջաններէն ժամանած հոծ բազմութիւն մը:

Ամեն. Հոգեւոր Տէրը իր քարոզին մէջ վեր առաւ Տիրամօր առաքինութիւններն ու մայրական գութը հանդէպ իր զաւակներուն եւ

ամէն ինչի մէջ իր բարեխօսութիւնը հայցելու յորդորով եզրափակեց խօսքը:

 Ապա ներկաներուն տրամադրութեանը տակ դրուեցաւ թերթօն մը , զոր կը բովանդակէ` Կարդինալ Գրիգոր Պետրոս Աղաճանեանի Վարքը եւ իրեն ձօնուած աղօթք մը` Երանացման դատին  բարեյաջող ընթացքով պսակելու ի խնդիր:

 

Յաւարտ Ս.և Անմահ Պատարագի եւ խաղողօրհնէրքի արարողութեան Ամեն.եւ Գերերջանիկ հոգեւոր Տէրը, Պատրիարքական Փոխանորդ Պէյրութի Թեմին, Պատրիարքական Փոխանորդ Զմմառու Կղերի Միաբանութեան Վանքի Մեծաւոր Գերպծռ.Գաբրիէլ Թ.Ծ.Վ. Մուրատեանը` հաւատացեալներուն Շնորհաւորանքները ընդունեցին, այնուհետեւ ներկաները ստացան օրհուած խաղողներէն :

Share Button

Leave a Reply

Your email address will not be published. Required fields are marked *

Լրատուութեան գործընկեր