• London

  • Beirut

  • Moscow

  • Los Angeles

  • Paris

  • Sydney

  • Toronto

Համահայկական 7-րդ Մարզախաղեր՝ ՀԲԸՄ- ՀԵԸ Ոսկէ Մետալ Պարգեւեց Լիբանանին

20.08.2019   01:50

Շաբաթ, 17  Օգոստոս  2019-ին հանդիսաւորապէս աւարտեցան   Հայաստանի մէջ  կազմակերպուած  Համահայկական  7-րդ  Մարզախաղերը:

Համահայկական  7-րդ  Մարզախաղերուն  մասնակցեցան 35  երկիրներու,161 քաղաքներու  5244 մարզիկներ:

Լիբանան, 170 մարզիկներէ  բաղկացած  պատուիրակութեամբ մը մասնակցեցաւ 14 օրերու վրայ երկարող մարզախաղերուն, ներկայացնելով  երեք  լիբանանեան  քաղաքներ՝ Պէյրութ, Պուրճ  Համուտ եւ Անթիլիաս: 

Լիբանանի պատուիրակութիւնը չորս   մետալ  յաջողեցաւ ձեռք բերել  Համահայկական Մարզախաղերէն, որոնց  երեքը ապահովեց ՀԲԸՄ-ՀԵԸ-ի կազմը՝ մէկ ոսկի, մէկ արծաթ եւ մէկ պրոնզ:

ՀԵԸ-ի աննախընթաց  յաջողութիւնը արձանագրուեցաւ փինկ փոնկի մրցումներուն, շնորհիւ Մարիանա Սահակեանի, Նինա եւ Աննա Մարգարեան քոյրերուն:

Կը  շնորհաւորենք   ՀԵԸ-ի  մարզուհիները այս աննախընթաց  յաջողութեան առիթով:  Մեր  շնորհաւորութեան խօսքը կ’երթայ  նաեւ   ՀԵԸ-ի  մարզական  վարչական պատասխանատուներուն, Համահայկական Մարզախաղերուն  մասնակցող  պատուիրակութեան  ղեկավար Թոնի Ճունթոյեանին, ինչպէս նաեւ  Համահայկական Խաղերու  Համաշխարհային Կոմիտէի  անդամ Շահան  Սեմերճեանին, մաղթելով նորանոր  յաջողութիւններ: 

 

ՀԵԸ-ի ՄԱՄԼՈՅ ԵՒ ՏԵՂԵԿԱՏՈՒԱԿԱՆ  ԳՐԱՍԵՆԵԱԿ

Share Button

Leave a Reply

Your email address will not be published. Required fields are marked *

Լրատուութեան գործընկեր