• London

  • Beirut

  • Moscow

  • Los Angeles

  • Paris

  • Sydney

  • Toronto

Մեծի Տանն Կիլիկիիոյ Կաթողիկոսութեան Ձեռագիրներու Վերանորոգութիւն

07.08.2019   02:50

Մեծի Տանն Կիլիկիոյ Կաթողիկոսութեան Անթիլիասի Մայրավանքի ձեռագիրներու վերանորոգման աշխատանքները սկսած են Մայրավանքէն ներս։ Այս յոյժ կարեւոր ծրագիրին իրագործման նիւթապէս կ՚աջակցի Գերմանիոյ Արտաքին Գործոց նախարարութիւնը «Աշխարհի Մշակութային Ժառանգութեան Պահպանումը» ծրագրին ծիրէն ներս։ Վերանորոգման աշխատանքները կը կատարուին Շթութկարթի (Գերմանիա) Հայկական Մշակոյթի Պահպանութեան Ընկերութեան անմիջական աջակցութեամբ։

Արդարեւ, Երկուշաբթի, 5 Օգոստոս 2019-ին, Ն.Ս.Օ.Տ.Տ. Արամ Ա. Կաթողիկոս այցելութիւն մը տուաւ աշխատակազմին, որուն կը գլխաւորէ ճարտարապետ եւ վերոնշեալ ընկերութեան ներկայացուցիչ Վարդ Պիզանս, որպէսզի մօտէն իրազեկ դառնայ աշխատանքի ընթացքին։

Յայտնենք, որ Վեհափառ Հայրապետին գահակալութեան շրջանին երկու առիթներով Կաթողիկոսարանի ձեռագիրները վերանորոգուած են Հայաստանի մասնագէտներու կողմէն։

Վերանորոգման աշխատանքները պիտի տեւեն շուրջ երկու ամիս։

Share Button

Leave a Reply

Your email address will not be published. Required fields are marked *

Լրատուութեան գործընկեր