• London

  • Beirut

  • Moscow

  • Los Angeles

  • Paris

  • Sydney

  • Toronto

Թրամփ Չեղարկեց Թուրքիոյ Հետ Առեւտուրի Արտօնեալ Ռեժիմը

18.05.2019   02:06

«ԶԱՐԹՕՆՔ», ՊԷՅՐՈՒԹ – ԱՄՆ-ի նախագահ Տոնալտ Թրամփը Մայիս 17-էն չեղեալ յայտարարած է Թուրքիոյ հետ առեւտուրի արտօնեալ ռեժիմը՝ զայն հանելով զարգացող երկիրներու՝ այսպէս կոչուած ներմուծման համար արտօնութիւններու ծրագրի շահառուներու ցուցակէն, կը տեղեկացնէ «Արմէնփրես»:

«Ես եկայ այն եզրակացութեան, որ, նկատի առնելով տնտեսական զարգացման անոր (Թուրքիոյ) մակարդակը, նպատակայամար կ’ըլլայ 2019 թուականի Մայիս 17-էն չեղեալ յայտարարել Թուրքիոյ նշումը որպէս զարգացող երկիր – շահառու»,- ըսուած Է ԱՄՆ-ի նախագահի յայտարարութեան մէջ: Անոր համապատասխան Ուաշինկթըն կը դադրեցնԷ առեւտուրի յատուկ արտօնեալ ռեժիմը Անգարայի հետ:

Հաղորդագրութեան մէջ նշուած Է, որ Միացեալ Նահանգներու ղեկավարը իր որոշման մասին ԱՄՆ-ի Քոնկրէսին եւ Թուրքիոյ իշխանութիւններուն ծանուցած Է նախապէս՝ Մարտ 4-ին:

Աւելի վաղ ԱՄՆ-ի իշխանութիւնները յայտնած են, որ կը վերանային Թուրքիոյ մասնակցութիւնը ներմուծման համար արտօնութիւններու ծրագրին, քանի որ անհանգստացած են Անգարայի կողմէն անկէ օգտուելու չափանիշներու պահպանումէն: Նաեւ, նշուած Է, որ Թուրքիան ԱՄՆ-էն ապրանքներու ներմուծման 1,78 միլիառ տոլարի չափով լրացուցիչ մաքսեր սահմանած է, կը հաղորդէ ԹԱՍՍ:

Share Button

Leave a Reply

Your email address will not be published. Required fields are marked *

Լրատուութեան գործընկեր