• London

  • Beirut

  • Moscow

  • Los Angeles

  • Paris

  • Sydney

  • Toronto

«Խաչիկ Պապիկեան» Միջաշակերտական Մրցանքները Սկիզբ Առին

19.03.2019   01:36

Շաբաթ, 16 Մարտ 2019-ի յետմիջօրէին, Մեծի Տանն Կիլիկիոյ կաթողիկոսութեան «Կիլիկիա» թանգարանի սրահին մէջ սկիզբ առաւ 2018-2019 տարեշրջանի «Խաչիկ Պապիկեան» մրցանքներու տասներորդ տարուան առաջին մրցանքը՝ ասմունքի Ա. փուլը, մասնակցութեամբ 45 աշակերտներու: Ասմունքի Բ. եւ եզրափակիչ մրցանքը տեղի պիտի ունենայ Շաբաթ, 6 Ապրիլին:

Ինչպէս ծանօթ է, մրցանքները կ’ընդգրկեն երեք մարզեր.

ա.  Հայ լեզու եւ գրականութիւն

բ.   Հայոց պատմութիւն, հայ մշակոյթ եւ կրօնք: Այս տարին մամուլին նուիրուած ըլլալով՝ կարեւոր բաժին մըն ալ  յատկացուած է հայկական տպագրութեան եւ մամուլին:

գ.   Ասմունք

Մրցանքները տեղի կ’ունենան երկու մակարդակով՝ միջնակարգ եւ երկրորդական:

23 Մարտին Ազգային Եղիշէ Մանուկեան գոլէճի սրահին մէջ տեղի պիտի ունենայ հայ լեզուի եւ գրականութեան մրցանքը, իսկ 30 Մարտին՝ Հայոց պատմութեան մրցանքը:

Այս տարուան մասնակիցներուն ընդհանուր թիւն է 118, իսկ մասնակից դպրոցներունը՝ 17:

 

ԿՐԹԱԿԱՆ-ՀԱՅԱԳԻՏԱԿԱՆ ԲԱԺԱՆՄՈՒՆՔ

 

Share Button

Leave a Reply

Your email address will not be published. Required fields are marked *

Լրատուութեան գործընկեր