• London

  • Beirut

  • Moscow

  • Los Angeles

  • Paris

  • Sydney

  • Toronto

ՀԲԸՄ Մանուկեան-Տեմիրճեան վարժարան. Մեր փոքրիկ ճատրակորդները Ըրվայնէն վերադարձան 9 ոսկէ, երկու արծաթէ եւ 11 պրոնզէ մետալներով

13.12.2018   20:19

ՆՈՐ ՕՐ, ԼՈՍ ԱՆՃԵԼԸՍ.- Շնորհիւ վարժարանիս ճատրակի (շախմատի) դասատու-մարզիչ (USCF Advanced Chess Coach) Արթուր Աղաջանեանի, Գոհաբանութեան տօնի օրերուն Մանուկեան-Տեմիրճեան վարժարանի նախակրթարանի եւ միջնակարգի 29 աշակերտ մասնակցեցաւ Ըրվայնի մէջ տեղի ունեցող Staser Fall Scholastic մրցաշարքին։ Մեր լաւագոյն տասը ճատրակորդները կամ շախմատիստները մասնակցեցան վարկանիշային մրցումին, իսկ մնացեալ 19-ն՝ ներառեալ Մանկապարտէզի աշակերտներ, մասնակցեցան ոչ-վարկանիշային մրցաշարքին։

Մեր աշակերտները վարկանիշային մրցումներուն խլեցին երկու բաժակ, ինչպէս նաեւ 3 ոսկի, 2 արծաթ եւ 6 պրոնզ մետալ ոչ-վարկանիշային մրցումներուն ընթացքին։ Շարք մը աշակերտներ բարելաւեցին իրենց անձնական վարկանիշը այս յաջողութիւններէն ետք։

Կը շնորհաւորենք բոլոր մասնակիցները։ Ուրախ ենք եւ հպարտ, որ շախմատը մաս կը կազմէ իրենց կրթութեան, որուն միջոցով անոնք կը զարգացնեն իրենց խնդիրներ լուծելու կարողութիւնը, կը բարելաւեն իրենց յիշողութիւնը եւ կեդրոնացումը։

Շնորհաւորութիւններ աշակերտներուն եւ անչափ շնորհակալութիւն Պրն. Աղաջանեանին։

 

ԹՂԹԱԿՑՈՒԹԻՒՆԸ ՎԱՐԺԱՐԱՆԷՆ

 

Share Button

Leave a Reply

Your email address will not be published. Required fields are marked *

Լրատուութեան գործընկեր