• London

  • Beirut

  • Moscow

  • Los Angeles

  • Paris

  • Sydney

  • Toronto

Փրոֆեսոր Գուրգէն Մելիքեան մեր մէջ

29.11.2018   19:17

ՆՈՐ ՕՐ, ԼՈՍ ԱՆՃԵԼԸՍ.- Երեքշաբթի, 20 Նոյեմբեր 2018-ի երեկոյեան, հրաւէրովը ՌԱԿ Արեւմտեան Ամերիկայի Շրջանային վարչութեան, ԹՄՄ Պէշկէօթիւրեան կեդրոնէն ներս սեղմ շրջանակի մէջ մտերմիկ հանդիպում մը տեղի ունեցաւ ԵՊՀ-ի Արեւելագիտութեան բաժանմունքի դեկան, լեզուաբան, իրանագէտ, հեղինակ, Արցախեան շարժման յառաջամարտիկ, գնդապետ՝ փրոֆեսոր Գուրգէն Մելիքեանին եւ անոր տիկնոջ՝ Լաուրային հետ, որոնք Լոս Անճելըս կը գտնուէին «Գուրգէն Մելիքեանի Քաշաթաղի բազմազաւակ ընտանիքներու հիմնադրամ»ի 25-ամեակին եւ տարեկան դրամահաւաքին առիթներով:

     ՌԱԿ Կեդրոնական վարչութեան անդամ եւ Շրջանայինի ատենապետ Տոքթ. Ռաֆֆի Պալեան բարի գալուստ մաղթեց հիւրերուն, ներկայացուց զիրենք, անդրարարձաւ Գուրգէն Մելիքեանի Արցախի հանդէպ նուիրուածութեան, խոստացաւ շարունակել զօրավիգ կանգնիլ անոր սրբազան առաքելութեան եւ հրաւիրեց փրոֆեսորը իր խօսքը ուղղելու:

     Փրոֆեսորը շեշտեց Արցախի կարեւորութիւնը Հայաստանի համար, յիշելով Մոնթէ Մելքոնեանի խօսքը՝ «Եթէ մենք կորցնենք Արցախը, կը շրջենք մեր պատմութեան վերջին էջը»: Ապա ներկայացուց իր հիմնադրամին բազմակողմանի գործունէութիւնը.

– Ծառատնկում. (մօտ 8900 ընկուզենի եւ թխկի) կեանքի որակի բարելաւման եւ բնութեան պաշտպանութեան նպատակով: Ստեղծուած են ծառուղիներ ու պուրակներ, նուիրուած Մոնթէ Մելքոնեանին, Ստեփան Ալաջաջեանին, Քարոլայն Քոքսին, Սերժ Բաբայեանին, Կլենտէյլի Քաղաքային քոլէճին, ԵՊՀ 90-ամեակին, Հայոց Ցեղասպանութեան 100-րդ տարելիցին, ՀՀ անկախութեան 25-ամեակին, Արցախի շարժման 30-ամեակին:

– Կովերու ծրագիրը, որ կաթ կը հայթայթէ շրջանի բազմազաւակ ընտանիքներուն:

– Կրթաթոշակի ծրագիրը, որ ցարդ օժանդակած է Երեւանի Պետական, Բժշկական, Մանկավարժական համալսարան, Երեւանի Պետական երաժշտանոց, Հողագործական եւ Արցախի համալսարան յաճախող աւելի քան 1000 ուսանողներու:

– Սուրիահայերու ուղղուած օժանդակութիւն ԵՊՀ եւ Արցախի համալսարան յաճախող ուսանողներու համար:

 

Ե.Ղ.

Share Button

Մեկնաբանել

Լրատուութեան գործընկեր