• London

  • Beirut

  • Moscow

  • Los Angeles

  • Paris

  • Sydney

  • Toronto

Ամենայն Հայոց Վեհափառ Հայրապետը Ընդունեց ՌԱԿ Լիբանանի Շրջանային Վարչութեան Ատենապետը

11.02.2020   08:42

Հայրենիք իր աշխատանքային այցելութեան ծիրէն ներս Ռամկավար Ազատական Կուսակցութեան Լիբանանի Շրջանային վարչութեան ատենապետ եւ «Զարթօնք» օրաթերթի գլխաւոր խմբագիր՝ ընկ. Սեւակ Յակոբեան ընդունուեցաւ Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Կաթողիկոսին կողմէ:

Հանդիպումը առիթ մըն էր անգամ մը եւս ականատեսը եւ վկան հանդիսանալու՝  Վեհափառ Հայրապետին բարձր տնօրինմամբ Ս. Էջմիածնի Մայր Աթոռի յարաճուն զարգացման ու բարենորոգման :

Հայաստանեայց Առաքելական Ս. Եկեղեցւոյ Մայր Աթոռին վայել ու անոր ազգային եւ եկեղեցական ժառանգութիւնը ներկայացնող՝ բարեզարդուած  Վեհարանին մէջ ընդունման ընթացքին, ընկ. Յակոբեան նախ շնորհակալութիւն յայտնեց Վեհափառ Տիրոջ ազնիւ անդրադարձին համար, ինչ կը վերաբերի Մայր Աթոռի նիւթական սատարումին Լիբանանահայ համայնքի կարիքաւոր անդամներուն, որ շաբաթներ առաջ յատկացուած էր Լիբանանի Ազգային Առաջնորդարանին, որպէսզի վերջինիս տնօրինմամբ հասնի Լիբանանահայ ընտանիքներուն եւ կառոյցներուն:

Տեսակցութեան ընթացքին, ընկ. Յակոբեան իր ներկայացուցած վարչութեան սրտագին ողջոյնները փոխանցելով Վեհափառին,  Նորին Սրբութեան  զեկուցեց, Լիբանանի ներկայ քաղաքատնտեսական իրավիճակին եւ այս պատճառով խնդիրներու մէջ յայտնուած լիբանանահայ համայնքին յոյզերուն մասին: Քննարկումներու նիւթ դարձան նաեւ ընդհանրապէս Հայ ժողովուրդը յուզող հարցեր:

Վեհափառ Հայրապետը Հայրական մտահոգութեամբ մօտէն հետաքրքրուեցաւ Լիբանանահայութեան ու անոր ազգային հաստատութիւններուն դժուար առօրեային վերաբերող իւրաքանչիւր մանրամասնութեամբ: Ան նշեց, որ հոգեհարազատ Լիբանանն ու Հայ Սփիւռքի կարեւոր մէկ օղակը հանդիսացող լիբանանահայութիւնը իր ամենօրեայ աղօթքներուն մէջն են: Այս առիթով Վեհափառ Հայրապետը  մաղթեց, որ Լիբանան այս արհաւիրքն ալ շրջանցէ նուազագոյն վնասներով եւ հաստատեց, որ մինչ այդ եւ մի՛շտ Մայր Աթոռը կողքին է Լիբանանահայութեան:

Տեղեկատուական Գրասենեակ

Ռամկավար Ազատական Կուսակցութեան

Լիբանանի Շրջանային Վարչութեան

 

Share Button

Leave a Reply

Your email address will not be published. Required fields are marked *

Լրատուութեան գործընկեր