• London

  • Beirut

  • Moscow

  • Los Angeles

  • Paris

  • Sydney

  • Toronto

ՌԱԿի Պատուիրակութիւնը Այցելեց Մաարապ

09.02.2019   02:31

ՌԱԿ Լիբանանի Շրջանային Վարչութենէն պատուիրակութիւն մը այցելեց Մաարապ տեսակցութիւն մը ունենալու Լիբանանեան Ուժեր կուսակցութեան նախագահ Սամիր Ժաաժաաի հետ: Պատուիրակութեան մաս կազմեցին ՌԱԿ Լիբանանի Շրջանային Վարչութեան ատենապետ ընկ. Սեւակ Յակոբեանի կողքին, ընկերներ՝ Մեթր Սամ Պասմաճեան, Արա Գոյունեան եւ Սեդրակ Քիւրէճեան: Հանդիպման ներկայ եղաւ ընկերային հարցերու նախարար Ռիշար Գույումճեան: 

Հանդիպման աւարտին, ընկ. Յակոբեան խօսք առնելով լրատուական միջոցներուն դիմաց յայտնեց, որ այցելութեան նպատակը նախ շնորհաւորել էր Տոքթ. Ժաաժաաը Լիբանանի կառավարութեան կազմութեան համար, որուն ծնունդին մէջ ան մեծ եւ դրական դեր ունեցած էր: Ան աւելցուց, որ հանդիպումը նաեւ առիթ մըն էր Տոքթ. Ժաաժաաի միջոցաւ շնորհաւորել Լիբանանեան Ուժերու նախարարները նոր կառավարութեան մէջ: Ընկ. Յակոբեան իր խօսքին մէջ յայտնեց, որ այցելութիւնը նաեւ կու գար հաստատելու երկու կուսակցութիւններուն քաղաքական դաշինքի շարունակութիւնն ու ամրութիւնը:

Ընկեր Սեւակ Յակոբեան իր խօսքը եզրափակեց լրագրողներուն յայտնելով, որ հանդիպման ընթացքին քննարկուած են Լիբանանն ու լիբանանցին յուզող հարցեր, ի մասնաւորի փտածութեան եւ կենսոլորտի հարցերը ինչպէս նաեւ երկու կուսակցութիւններուն ապագայ գործակցութեանց համադրումին վերաբերող մանրամասնութիւններ:

Տեղեկատուական Գրասենեակ

ՌԱԿ Լիբանանի Շրջանային Վարչութեան

Share Button

Leave a Reply

Your email address will not be published. Required fields are marked *

Լրատուութեան գործընկեր