• London

  • Beirut

  • Moscow

  • Los Angeles

  • Paris

  • Sydney

  • Toronto

ՌԱԿ Լիբանանի Շրջանային Վարչութենէն Պատուիրակութեան Մը Ընկերակցութեամբ Լիբանանի Ընկերային Հարցերու Նախարար Տոքթ. Ռիշար Գույումճեան Այցելեց ՄԱՀԱԵՄ-ի Կեդրոնատեղի

08.02.2019   01:09

«ԶԱՐԹՕՆՔ», ՊԷՅՐՈՒԹ –  Հինգշաբթի, 7 Փետրուար 2019-ին, Լիբանանի Ընկերային Հարցերու նախարար Տոքթ. Ռիշար Գույումճեան այցելեց Միջին Արեւելքի Հայ Աւետարանական Եկեղեցիներու Միութեան Կեդրոնատեղին, ընկերակցութեամբ ՌԱԿ Լիբանանի Շրջանային Վարչութենէն պատուիրակութեան մը: Նախարարը ընդունուեցաւ ՄԱՀԱԵՄ-ի նախագահ Վերապատուելի Մկրտիչ Գարակէօզեան կողմէ: Հանդիպման ներկայ եղաւ նաեւ պատուելի Սելիմ Սապունճի:

Վեր.Գարակէօզեան բարի գալուստ մաղթեց Տոքթ. Գույումճեանին եւ յաջողութիւն մաղթեց անոր իր հայրենանուէր եւ ժողովրդանուէր ինչպէս նաեւ լիբանանեան հայրենիքի ծառայութեան սրբազան առաքելութեան մէջ: 

Տոքթ. Գույումճեան յայտնեց, որ հակառակ ֆինանսական դժուարութիւններու՝ նախարարութիւնը պիտի վարէ արդիւնաւէտ ձեւով եւ օգտակար պիտի դառնայ հայ համայնքին: Ան անդրադարձաւ նաեւ երկրի դիմագրաւած տնտեսական մարտահրաւէրներուն ու յոյս յայտնեց, որ այս կառավարութեան կը տրուի առիթը գործելու համար արդիւնաւէտ ձեւով:

Տեղեկատուական Գրասենեակ

ՌԱԿ Լիբանանի Շրջանային Վարչութեան

Share Button

Leave a Reply

Your email address will not be published. Required fields are marked *

Լրատուութեան գործընկեր