«Ոսկէ Ծիրան»-ը Թուրքիոյ Մէջ Հայկական Ֆիլմեր Պիտի Ցուցադրէ
«Ոսկէ ծիրան» Երեւանի միջազգային փառատօնը, այս ամիս Անգարայի միջազգային փառատօնին ծիրէն ներս, պիտի ներկայացնէ հայկական կարճատեւ եւ շարժապատկերային (անիմացիոն) ֆիլմերու ընդգրկուն ծրագիր:
«Ոսկէ ծիրան» փառատօնի մամուլի ծառայութեան տեղեկութիւններով՝ Անգարայի միջազգային փառատօնը, այս տարի, պիտի կայանայ Ապրիլ 21-30: Ծրագիրը կազմուած է 11 ֆիլմէ եւ կը ներառէ Նայիրա Մուրատեանի «Մարք եւ Մարկոս», Էդգար Պաղտասարեանի «Սիմոնի ճանապարհը», Տիանա Գարտումեանի «Տիալոկներ», Գագիկ Մատոյեանի «Ճանապարհ», Լեւոն Մինասեանի «Դաշնամուրը», Ալեքսանդր Պաղտասարեանի «Ճանապարհ», Յարութիւն Շատեանի «Բեռնելով կեանքս», Վահրամ Մխիթարեանի «Կաթնեղբայր», Հրանդ Վարդանեանի «Սպիտակ գառան երազը», Ալեն Մանուկեանի «Յարութիւն» եւ Համլէթ Վարդանեանի «Մնաս բարով, Վոլգա» ֆիլմերը:
Ծրագիրը ներկայացնող պատուիրակութեան կազմին մէջ են բեմադրիչներ Նայիրա Մուրատեան, Տիանա Գարտումեան եւ շարժանկարի քննադատ, «Ոսկէ ծիրան» փառատօնի ծրագրերու համադրող Ռաֆֆի Մովսիսեան, որ նաեւ Անգարայի միջազգային փառատօնի Կարճատեւ ֆիլմերու մրցութային ծրագրի ժիւրիի անդամ է:
«Ծրագրով ընդգրկուած ֆիլմերը ժամանակակից հայկական շարժանկարի լաւագոյն նմոյշներէն են եւ մարդասիրութեան, հանդուրժողականութեան ու ազատութեան խորքային ընդհանրութիւններ ունին»,- ըսուած է փառատօնի հաղորդագրութեան մէջ:
Հայկական շարժանկարները Անգարայի մէջ պիտի ներկայացուին Ապրիլ 28-ին եւ 29-ին:
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
