Հայ Փաստաբանը Յաղթած է Ֆրանսայի Փաստաբաններու Բանախօսութեան Միջազգային Մրցոյթին

Ֆրանսայի Կայեն քաղաքին մէջ Յունուար 29-ին տեղի ունեցած է մարդու իրաւունքներու ոլորտին մէջ բանախօսութեան միջազգային մրցոյթը, որուն յաղթած է հայ փաստաբան Աշխէն Յարութիւնեան, կը հաղորդէ News.am-ը՝ վկայակաչելով memorial-caen.fr-ն:
Փաստաբան Աշխէն Յարութիւնեան իրաւագիտութեան պսակաւոր արուեստի աստիճան ստացած է Հայաստանի Ֆրանսական համալսարանէն, այնուհետեւ շարունակած է ուսումնառութիւնը Ֆրանսայի Էքս ան Փրովանս քաղաքի Փոլ Սեզան համալսարանին մէջ` ստանալով մագիստրոսի աստիճան, այնուհետեւ յաջողութեամբ շարունակած է մասնագիտական ուսումը Մարսէյի փաստաբանական դպրոցին մէջ` ձեռք բերելով Փաստաբանի կոչում:
Կայեն քաղաքի յուշահամալիրի մրցոյթը տեղի կ’ունենայ արդէն 28-րդ անգամ, ան կը համախմբէ մարդու իրաւունքներու ոլորտին մէջ գործող փաստաբաններ, ինչպէս Ֆրանսայէն`այնպէս ալ այլ երկիրներէ:
Այս տարի մրցոյթին նախնական փուլը յաղթահարած եւ եզրափակիչ փուլին մասնակցութեան համար ընտրուած էին 10 փաստաբան տարբեր երկիրներէ` Ֆրանսայէն, Լիբանանէն եւ Պելճիքայէն:
Փաստաբանները այս մրցոյթին կը ներկայացնեն մարդու իրաւունքներու խախտումներու այնպիսի դէպքերու մասին, որոնք այնքնան ալ յայտնի չեն լայն հասարակութեան: Միջազգային այս հեղինակաւոր մրցոյթի մասնակիցները կը գնահատուին մասնագիտական թեմայի ընտրութեան, ներկայացման եւ բանախօսական հմտութիւններուն համար:
Աշխէն Յարութիւնեան արժանացաւ առաջին մրցանակին իր «Ամերիկեան երազանք. քուլիսներու ետեւ» բանախօսութեան համար: Բանախօսութեամբ Աշխէն Յարութիւնեան կը ներկայացնէր պատմութիւնը հայիթիէն Նիթա անունով աղջկայ մը, որ քանի մը անգամ որդեգրուած էր ամերիկեան տարբեր ընտանիքներու կողմէ եւ ի վերջոյ վաճառուած է իր «ընտանիքներուն» կողմէ Ամերիկայի մէջ յայտնի «rehoming» (վերաորդեգրում) օրէնքով: Այս տարօրինակ ամերիկեան ընթացակարգը առիթ կու տայ որդեգրող ընտանիքներուն հրաժարելու որդեգրուած երեխայէն որեւէ ամէնէն անհեթեթ պատճառներով` այդ մասին յայտարարութիւն տեղադրելով համապատասխան համացանցային կայքին: Նման օրէնքի կիրառումը կը նշանակէ, որ մարդիկ երեխաներուն կը վերաբերին որպէս իրեր:
Աշխէն Յարութիւնեան իր զգացական, բայց միեւնոյն ժամանակ հզօր ելոյթով կոչ կ՛ընէ մարդու իրաւունքներու ջատագովներու եւ առհասարակ հանրութեան պայքարելու նման երեւոյթներու դէմ, քանզի վերջիվերջոյ երեխաները ծնած են ապրելու եւ ծաղկելու, այլ ոչ թէ իրերու պէս վաճառուելու համար:
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras

