• London

  • Beirut

  • Moscow

  • Los Angeles

  • Paris

  • Sydney

  • Toronto

Թրամփ Արժանի Կրնայ Ըլլայ Խաղաղութեան Նոպէլեան Մրցանակին, Եթէ Հաշտեցնէ Հայաստանն Ու Ազրպէյճանը․ The Washington Times

25.01.2017   09:25

Ամերիկեան «The Washington Times» պարբերականը հրապարակած է յօդուած մը, ուր, անդրադառնալով  Լեռնային Ղարաբաղի հակամարտութեան կարգաւորման գործընթացին, գրած է, որ Տանըլտ Թրամփ «պատմական հնարաւորութիւն ունի արդարացիօրէն վաստակելու հեղինակաւոր  Խաղաղութեան նոպէլեան մրցանակը», եթէ ան յաջողի հաշտեցնել Հայաստանն ու Ատրպէյճանը:

«Տանըլդ Թրամփ պատմական հնարաւորութիւն ունի Խաղաղութեան նոպէլեան մրցանակ ստանալու, եթէ գործարքներ կնքելու իր հմտութիւնները կիրառէ աշխարհի ամենաբարդ հակամարտութիւններէն մէկուն` Լեռնային Ղարաբաղի խնդրի կարգաւորման համար», – գրած է յօդուածի հեղինակ Ռոպ Սոպհանին:

Հրապարակման համաձայն` ԼՂ հակամարտութեան կարգաւորումը Տանըլտ Թրամփի եւ անոր ազգային անվտանգութեան հարցերով անձնակազմին համար կարեւոր է նաեւ անով, որ անիկա ցոյց կու տայ` արդեօք Վլատիմիր Փութին կ’ուզէ դառնալ Միացեալ Նահանգներու գործընկերը համաշխարհային մակարդակի վրայ հակամարտութիւններ լուծելու հարցով, թէ ան կը նախընտրէ՞ վարպետօրէն իրեն վերապահել  թէժ կէտերը` յանուն Մոսկուայի ռազմավարական շահերուն:

Ուաշինկթըն, ցաւօք, չափազանց զբաղած էր Մերձաւոր Արեւելքի մէջ, որպէսզի կարենար ստանձնել Երեւանի եւ Պաքուի միջեւ կայուն խաղաղութիւն հաստատելու հարցով առաջնորդի դերը: Ե՛ւ Երեւանը, ե՛ւ Ազրպէյճանը արժանի են տեւական խաղաղութեան: Թրամփ կրնայ խաղաղութիւն ապահովել Հայաստանի եւ Ազրպէյճանի ժողովուրդներու միջեւ` գտնելով այնպիսի լուծում, որ արդար պիտի ըլլայ երկու կողմերուն համար ալ: Թրամփի յաջողութիւնը ազդակ պիտի ըլլայ ամբողջ աշխարհի համար, որ ԱՄՆ-ն կրկին համաշխարհային կայունութեան հաստատման գործին ծառայէ», – գրուած է յօդուածին մէջ:

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner