ՌԱԿ Արեւելեան Ամերիկայի Շրջանակի «Արմենական-Յովսէփեան» Ակումբի Վարչականները Մասնակցած Են Քոնկրեսի Շէնքին Մէջ Կայացած Հայոց Ցեղասպանութեան Ոգեկոչում Ձեռնարկին
ՌԱԿ «Արմենական-Յովսէփեան» ակումբի վարչականները, գլխաւորութեամբ ՌԱԿ Կեդրոնական վարչութեան անդամ, «Արմենական- Յովսէփեան» ակումբի ատենապետ ընկ. Նորայր Մկրտիչեանի եւ փոխատենապետ տոքթ. Վաղինակ Դարբինեանի, Չորեքշաբթի 5 Ապրիլին, մասնակցած են Քոնկրեսի շէնքին մէջ ամէն տարի կայացող Հայոց Ցեղասպանութեան ոգեկոչման ձեռնարկին:
Ամերիկայի Հայ Դատի յանձնախումբի եւ Ամերիկայի Հայկական Համագումարի ջանքերով կազմակերպուած ձեռնարկին, ներկայութեամբ իրենց մասնակցութիւնը բերած էին նաեւ Միացեալ Նահանգներու մօտ Հայաստանի ու Արցախի դիւանագիտական ներկայացուցչութիւններն ու հայկական կազմակերպութիւնները:
ՌԱԿ Կեդրոնական Վարչութեան անդամ, «Արմենական- Յովսէփեան» ակումբի ատենապետ ընկ. Նորայր Մկրտիչեան եւ փոխատենապետ տոքթ. Վաղինակ Դարբինեան՝ Ուաշինկթընի մէջ Լեռնային Ղարաբաղի Հանրապետութեան մշտական ներկայացուցիչ պարոն Ռոպերթ Աւետիսեանի հետ
Ոգեկոչման ձեռնարկին ներկայ եղած քոնկրեսականներու շարքին էին՝ ծերակուտական Էտ Մարքի, Ներկայացուցիչներու տան Արտաքին յարաբերութեանց յանձնախումբի ատենապետ Էտ Ռոյս, Քոնկրեսի Հայկական համախմբումի համաատենապետներ Ֆրենք Փալոն, Ճեքի Սփիր, Տէյվիտ Թրաթ, Տէյվիտ Վալատաու եւ փոխատենապետ Էտըմ Շիֆ, ինչպէս նաեւ՝ ներկայացուցիչներու տան անդամներ Սալուտ Քարպահալ, Քեթրին Քլարք, Ճիմ Քոսթա, Աննա Էշու, Ռաճա Քրիշնամուրթի, Պրետ Շնայտըր, Պրետ Շըրմըն եւ Թան Սուզի։
ՌԱԿ Կեդրոնական Վարչութեան անդամ, «Արմենական- Յովսէփեան» ակումբի ատենապետ ընկ. Նորայր Մկրտիչեան եւ փոխատենապետ տոքթ. Վաղինակ Դարբինեան՝Միացեալ նահանգներու մէջ ՀՀ-ի Արտակարգ եւ լիազօր դեսպան պարոն Գրիգոր Յովհաննիսեանի հետ
Ելոյթ ունեցողներու շարքին էին՝ ծերակուտական Էտ Մարքի, Հայաստանի դեսպան Գրիգոր Յովհաննիսեան, Արցախի ներկայացուցիչ Ռոպերթ Աւետիսեան եւ Երեւանի Հայոց Ցեղասպանութեան թանգարան-հիմնարկի տնօրէն Հայկ Դեմոյեան։
Ներկայ էին նաեւ Քալիֆորնիոյ Նահանգային համալսարանի Ֆրեզնոյի մասնաճիւղի նախագահ Ճոզէֆ Քասթրօ, Հայաստանի մօտ Միացեալ Նահանգներու նախկին դեսպան Ճան Էվընզ, յունական, քրտական, ասորական ու մարդկային իրաւանց կազմակերպութեանց ներկայացուցիչներ, ինչպէս նաեւ Ամերիկայի Հայ Դատի յանձնախումբի վարչութեան անդամ Կերկ Պետեան։
Ձեռնարկի ընթացքին, Հանրապետական եւ Դեմոկրատ կուսակցութենէն քոնկրեսականներ անգամ մը եւս կոչ ըրած են նախագահին եւ Քոնկրեսին, որ յստակօրէն ճանչնան Ցեղասպանութիւնը եւ դէմ դնեն այս հարցով զիրենք լռութեան մատնել միտող Անգարայի իշխանութեանց ջանքերուն։
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
