Վերաօծուեցաւ Ջաւախքի Խաշուտ-Աբաթխեւ Գիւղի Վերանորոգուած Եկեղեցին
Սուրբ Խաչ եկեղեցին նորոգած են խաշուտցիները:
Ապրիլ 18-ին, Արհ. Տ. Ռաֆայէլ արք. Մինասեան վերաօծեց Ջաւախքի հայ կաթողիկէ Խաշուտ-Աբաթխեւ գիւղի վերանորոգուած Սուրբ Խաչ եկեղեցին: Այս մասին կը հաղորդէ «Akhaltskha.net»-ը։
Արարողութեան ներկայ էին Վրաստանի մէջ քահանայապետական նուիրակ արքեպիսկոպոս Մարեկ Սոլչինսկին եւ անոր քարտուղարը, Վրաստանի մէջ ծառայող երկու լատին ծէսի վարդապետ, Թիֆլիսի հայ կաթողիկէներու ժողովրդապետ Հոգշն. Հ. Միքայէլ վրդ. Խաչկալեան, Ծղալթպիլայի եւ Ջուլղաղի ժողովրդապետ Գերհ. Հ. Անատոլի ծ. վրդ. Իվանիւկ, Գիւմրիի հայ կաթողիկէներու ժողովդրապետ Արժ. Տ. Գրիգոր աւ. քհնյ. Մկրտչեան, Խաշուտի ժողովրդապետ Արժ. Տ. Պօղոս քհն. Գրիգորեան, եկեղեցւոյ վերանորոգման բարերարները, համայնքի բնակչութիւնը:
Խաշուտի 1886-ին կառուցուած Սուրբ Խաչ եկեղեցին վերջին մէկ տարուան ընթացքին հիմնովին նորոգուած է: Նորոգուած են յատկապէս եկեղեցւոյ Սուրբ Խորանը, յատակը, պատերը, պատուհանները, վերնատունը: Խորանին վերը ամրացուած Խաչելութեան մեծ պատկերը նուիրած է Արհ. Տ. Ռաֆայէլ արքպս. Մինասեան: Վերանորոգման աշխատանքներուն ծախսը ամբողջութեամբ հոգացած, կազմակերպած ու նախագծած են ծնունդով խաշուտցի մոսկուայաբնակ գործարարներ պրն. Ալեքսանդր Եադոյեանը, պրն. Յովհաննէս Եադոյեանը եւ ճարտարապետ պրն. Յակոբ Արթենեանը: Նստարանները նուիրած է պրն. Մարտին Սիմոնեանը: Աշխատանքները կատարած են գիւղի բնակիչները: Կառուցապատուած եւ բարեկարգուած են նաեւ եկեղեցւոյ բակը եւ յարակից ճանապարհը:
Սեփական ուժերով եկեղեցի կառուցելը, նորոգելը հին աւանդութիւն է Խաշուտի մէջ: Անոնց պապերը եւս, որոնք ներկայ գիւղի տարածքին հաստատուած են 1830-ականներուն` գաղթելով Արեւմտեան Հայաստանի Կարինի վիլայէթի նոյնանուն գիւղէն, իրենց ձեռքերով, Մարգարի որդին Գրիգոր քահանայի առաջնորդութեամբ կառուցած են իրենց եկեղեցին` 1881-1886թթ. եւ անուանած՝ Սուրբ Խաչ: Գրիգոր քահանան (ըստ գիւղացիներուն, եղած է վարդապետ, ուսանած է Մխիթարեան Միաբանութեան ընծայարանին մէջ) թաղուած է եկեղեցւոյ բակը:
Խաշուտ-Աբաթխեւ գիւղը կը գտնուի Սամցխէ-Ջաւախքի Ախալցխայի քաղաքապետութեան տարածքին, Ախալցխա քաղաքէն 14 քմ. հարաւ-արեւմուտք: Բնակիչները կը զբաղին հացահատիկի եւ բանջարեղէնի մշակութեամբ ու անասնապահութեամբ:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
