ՀՀ ՊՆ Պատուիրակութիւնը կը Մասնակցի Միջազգային Անվտանգութեան Մոսկովեան Համաժողովին
ՀՀ պաշտպանութեան նախարար Վիգէն Սարգսեանի գլխաւորած պատուիրակութիւնը Ապրիլ 26-ին մեկնած է Ռուսիոյ Դաշնութիւն` մասնակցելու Միջազգային անվտանգութեան մոսկովեան 6-րդ համաժողովին: ՀՀ ՊՆ տեղեկատուութեան եւ հասարակայնութեան հետ կապերու վարչութեան հաղորդած տեղեկութիւններով, աւանդական դարձած համաժողովի այս տարուան քննարկումներուն առանցքը կը կազմեն համաշխարհային եւ տարածաշրջանային մարտահրաւէրները, մասնաւորապէս` միջազգային ահաբեկչութիւնը եւ լարուածութեան աճը Քորէական թերակղզիին վրայ: Կը քննարկուին նաեւ Մերձաւոր Արեւելքի մէջ ծայրահեղականութեան եւ ահաբեկչութեան աճը, տեղեկատուական անվտանգութեան հիմնախնդիրները եւ այլն:
Համաժողովի աշխատանքներուն ծիրէն ներս՝ Վիգէն Սարգսեան երկկողմ հանդիպումներ ունեցած է արտերկրի իր գործընկերներուն հետ: ՀՀ պաշտպանութեան նախարարը մասնաւորապէս հանդիպած է Իրանի Իսլամական Հանրապետութեան պաշտպանութեան եւ զինուած ուժերու աջակցման նախարար Հոսէյն Տեհղանիի հետ: Հանդիպման ընթացքին քննարկուած են երկկողմ հետաքրքրութիւն ներկայացնող շարք մը հարցեր: Անդրադարձ եղած է նաեւ արցախեան հակամարտութեան: Հայաստանի եւ Իրանի պաշտպանական գերատեսչութիւններու ղեկավարները մէկ անգամ եւս ընդգծած են, որ խնդիրը ռազմական լուծում չունի:
Նոյն օրը կայացած է նաեւ Վիգէն Սարգսեանի հանդիպումը Սերպիոյ պաշտպանութեան նախարար Զորան Ճորճեւիչի հետ: Ընդգծելով հայ եւ սերպ ժողովուրդներուն ընդհանրութիւնները, կողմերը համոզմունք յայտնած են, որ այս հանդիպումը հրաշալի նախադրեալ է հայ-սերպական յարաբերութիւններու խորացման համար: Մասնաւորապէս, նշուած է, որ համագործակցութեան մեծ ներուժ կայ ռազմական սարքերու, գիտահետազօտական, ռազմաբժշկական, ռազմակրթական եւ այլ ուղղութիւններով: Իբրեւ արդիւնաւէտ փոխգործակցութեան օրինակ՝ նշուած է միասնական գործունէութիւնը խաղաղապահ առաքելութիւններու մէջ: Հայաստանի եւ Սերպիոյ պաշտպանութեան նախարարները համաձայնած են աշխուժացնել կապերը` առաւել առարկայական դարձնելով քննարկումները երկկողմ փոխգործակցութեան խնդիրներուն շուրջ:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
